第二日我地就著好全副防蚊防曬既裝束,準備開工!天都未光,5點45分就要等工頭黎接我地去農場,其實車程唔遠,不過我地唔知去邊,就唯有跟車!一到達,已經見到好多好多一行行既提子樹, 經過個SUPERVISOR briefing 我地幾個新人之後,我地就被分派到某一行,穿上瑩光衣,拎住我地被’坤’要買既較剪,就開始剪喇! 我地要放滿一箱,大約10.8- 11.7 KG,視乎係膠箱定紙箱~ 我地要剪走個D爛左,有RAIN NECK 或者係好細粒既CHICKEN. 由於第一次做,我真係剪得好慢,剪剪下仲落雨,愈落愈大!,不過佢地冇叫我收工,就要繼續, 最後,我只剪左11箱!!
第二天,一開始冇落雨, 不過因為前一天大雨,所以塊地係一PAT PAT泥,鞋、褲都係泥, 今日叫做熟習少少個方法,收工時完成左23箱!仲要俾個supervisor串,得23箱,有史以黎最’多’!! (不過佢都補多句,我第一日11箱,第二日23箱有好大既進步喇!) 不過講緊人地係做左40箱!!>< 第二日最唔開心既係,我特地買既帽同圍巾,早上行去農場時唔見左!我有行番去搵,不過都冇左喇! 只用左一日ja !! 十個唔開心, 有個印尼女仔借左頂帽俾我……
至於人工方面,係斷箱計既,有時一箱$3.75, 有時$8, 有時$4 ,有時$6 ,而工頭往往會夾左口供咁話唔知,所以大家每日都唔知自己當日搵到幾多錢!! 其他人做得多箱既原因,除左快之外,佢地仲識放d最大最靚既提子係上面,下面就放d細粒,爛既,不過如果有人check到,就會call機,之後就會成日有個supervisor黎睇住你做…
其實講真,擇提子都唔算辛苦,因為相比其他picking,已經好輕鬆,唔洗搬搬抬抬,又唔洗爬高,只係有少少曬,壓力都尚算不大,不過真係要夠快,先有錢賺囉!
查牌?!
第三日我諗住唔番工,訓到9點幾,聽到出面d人大聲叫晒我地出去,拎埋passport,原本海關查牌?!咁我地d backpacker個個都好乖排晒隊被人check…我以為咁樣都係幾普通既一件事,不過有個做過好多農場工既朋友話,佢咁耐都未試過囉! 再認真d睇, 其實有d馬來西亞、越南工頭就唔見晒影….聽人講,佢地先係海關想捉既人,呢d工頭有人仲拎student visa,過晒期居留!
落左２日大雨後既泥地
好鬼長呀！！～～～
剪提子剪到隻手咁樣。。。＝＿＝
以後見到提子，有更深既感受
