踏上一個人的旅程

第四站—Melbourne

mishulee — Mon, 9 May 2011 18:38:00 GMT

又回到城市了!! Melbourne 實在令我又愛又恨, 恨當然係佢既交通雖然多,但貴,食物雖多選擇, 但貴…… 愛..就愛呢個地方真係有一種藝術氣息, 大街小巷, café, boutique, 路旁既椅子, 時尚既服飾, 獨特既髮型, 鮮艷既唇膏…. 有時太’獨特’既打扮,我都會忍唔住望多2眼!不過我留意到,其他人都冇刻意將目光放到呢d穿得(係我眼中)另類的人! 可能mel 呢個咁藝術濃厚既地方, 大家都可以自由地展示自己既品味,亦唔會得到奇異眼光既原因罷!!

第一個星期住係光大屋企, 多謝佢同Eva 不時同我出去走走, 又令我有溫暖既住家飯食!! 住係佢地屋企, 真係有幻想如果我係澳洲生活,工作又會係點呢? 生活係唔係就會變得好簡單, 見到光大努力地為佢屋企個花園種草,研究園藝, 真有趣!!! 香港人除左工作,會忙種花嘛, 會有時間培養興趣嘛?? 係澳洲生活真係悠閒到不得了,我覺得退休真係唔錯, 不過我咁貪玩, 都係熱鬧既香港岩我多dd~~~

第二個星期我搬出了, 因為參加day tour 集合時間好早,住光大家出去city 要一點時間, 所以我就搬到city 既hostel 住. 係mel 唔算去到好多地方,去到水族館(哈哈…又係同海有關), 最得意係企鵝, 最失望既係鯊魚, 尤其係hammerhead, 好細條,仲要好難先睇到=_=

無意間俾我發現有間食日式麵/飯既地方, 個chicken curry rice 超好食,只係$6.5! (呢度既野食閒閒地都要$ 8 /$9 , 仲要夠大碗喎!!哈哈,就因為自己唔會一個人煮飯食,我就一連4日既下午茶都食佢!! (應該係下午+晚餐, 因為返到hostel唔識野架喇)

Great Ocean Road

十個有十個都話要去既地方, 難得Seon (cairns sharehouse 識既韓國人)差唔多呢個時間黎到mel, 佢又識揸車,所以就約好租車去great ocean road 睇12門徒石!

同行仲有佢係brisbane既女同學仔…..

出發..=_=,不過有d阻滯….seon好耐冇揸車,所以都要慢慢熟習, 加上唔熟路,行錯路又要搵路, 過程中, 我其實真係有d擔心, …..=_=係堅擔心呢!! 俾我坐呀韜車更擔心!!

話說我地自己揸車去, 應該比跟tour既時間更充裕, 更彈性,不過我地都好似好趕咁, 有機會係因為佢開得比較慢, 最好笑係我地去到12門徒石附近, 居然行到過晒龍!!=_=要問其他人先知我地過左好一段路!! 幸好我地終於去到目的地, 12門徒石! 依家好似只剩番8定9 舊石, 因為時間不早,我地又唔想天黑回程, 所以冇番低等日落, 唔可以影到日落時既12門徒石, 可惜!! 4點多開始回程, 到晚上差唔多9點先返到city, seon一定好累喇!! 因為我都好累呀!! 肚餓既我地就搵到間以為不錯既日本餐廳, 失望地係貴夾唔飽!! 同行既seon朋友冇去, 因為佢正進行10天減肥餐!! 10天只喝西柚+ 紅椒汁!! 我見佢當日係好慘架, 我地食fish & chips, 佢都只可以望住我地食, 加上當日係佢第4天, 個肚都餓左幾日!!不過佢話我要返去韓國前減到… (幾天後佢就返去) 呢個餐單真係得? (不過我覺得好辛苦囉!!)

Seon都係3 may飛,不過佢去new Zealand, 佢終於完成佢2年澳洲既WH, 佢仲話佢錯過左幾個好朋友既婚禮…咁又係既, 2年喎, 咁耐!! 希望呢位認識左半年既HOUSEMATE返到去韓國搵到好既工作,亦搵個好女仔啦!! ^^當我返到HK,今年將會有3個朋友結婚, 又收到另一好朋友下年結婚既消息…嘩…… ‘登’佢地開心呀!!!!!!!

GRAFFTI EVERYWHERE IN MEL

THANKS JACK AND EVA

ST.KILDA BEACH

呢張係SEON既SONY NEX-3影, 幾靚喎

12門徒石

可憐既馬仔....

SO CUTE!

mel city

第三站之 RED CENTRE 3-DAY TOUR (Uluru, Kata Tjuta and Kings Canyon--DAY 3

mishulee — Mon, 9 May 2011 18:21:00 GMT

呢日一早去KINGS CANYON, 之前係ALICE SPRING有ROOMATE話行上去都有D辛苦,所以我都有心裡準備,帶齊水,餅乾等等! 出發前BRON一再提醒我地要最少有1.5 公升水,先可以俾我地行上去!!天氣都算不錯,有點涷,雖然有陽光,不過可能仲好早….大家初初行,都會聽到大家流鼻水既聲音! 不過出發前見到個溫度預計,中午可能會去到 35度! (不過之後一直都有微風, 不算熱,感覺似秋天行山)

最辛苦都係開始既一段路, 有好多好斜既樓梯, 行到咁上下都有D喘氣, 不過同TASMANIA行個D山,我覺得無論行ULURU,定呢次既KINGS CANYON,都比較好玩,有多D野睇!! 途中BRON都會同我地上下地理堂,講下石頭, 樹木, 岩石既形成….

有次去到一棵平平無奇既細樹, 佢講左一大輪關係呢棵樹既生長情況,用途等等…跟住佢話, : 你地知道嘛,呢棵樹特別之處,係有piglet koala (細小品種樹熊)住係度, 我地就唔信,猛望樹上面有冇佢所講既細樹熊啦…..呀….見到喇…..原來樹上真係有一隻樹熊(用黎做手信個d超細樹熊公仔)!!!!! 真係俾佢笑死囉!!!!!!!!!

後來又遇到一棵樹,我已經唔記得佢正式既名喇, 只記得BRON 話, 佢係叫widow- maker~ 呢種樹當遇到環境惡劣或樹木本身壞死,佢會可以自己斷枝, 就好似識自己斷水斷腳去救自己…..不過都係咁, 如果有個男人咁岩路過既, 下唔覺意俾棵樹既斷樹枝壓住….咁到時就會多個widow….haha=.= (都唔知真定假既!!)

行左個多小時終於上到最高既地方, 見到個canyon ,真係有壯觀既感覺呢!! 個cliff 真係好深……. 雖然未行完個山, 我有種感覺, 我已經想再黎呢個地方!!!!

經過數小時既回程,返回alice spring, 亦向uluru – 一個令人讚嘆既地方講再見!!

密密行.....

加油呀!!

WIDOW MAKER?!

你小心D好喎, 跌落去就....=_=

到左啦!!

好玩既團友+ GUIDE BRON

DAY 3 挑戰KINGS CANYON

Photos: Shark cage diving (Great white) @Port Lincoln 6 May 2011

mishulee — Sat, 7 May 2011 18:30:00 GMT

The BEST thing I did in Aus! It is so amazing seeing the giant great white, I saw four sharks at one time!

第三站之 RED CENTRE 3-DAY TOUR (Uluru, Kata Tjuta and Kings Canyon)- DAY 2

mishulee — Wed, 4 May 2011 21:24:00 GMT

終於近距離一睹ULURU

呢日5點幾起身,都唔係好早者,都多得TAS 6-DAY TOUR既訓練後,已經習慣早起?!首先先到LOOKOUT睇ULURU日出,之後會去ULURU 既BASE WALK!

前一日已經聽過BRON講,當地既ABORIGINAL 唔希望旅客去爬ULURU,一個佢地覺得神聖既地方,所以BRON都打定輸數地,對有興趣爬ULURU既團友,講有8成都唔會開(可能因為天氣太熱,風大…等等原因而唔開),點知,去到發現個條路有開!? BRON 都強調大家要認真考慮,因為過往都有33人因為爬上ULURU發生意外而死亡, 最後3位同團既男士都想挑戰一下ULURU, 或者最主要都係可以係FACEBOOK POST 相,晒下自己爬過ULURU罷…. 我同其他團友就選擇行一條圍住ULURU既路,話雖如此,有D地方都被警告牌劃分為神聖位置,唔可以影相,但, 邊個係可以既位,邊個位係禁止呢?真令人混淆!!

2個小時過後,佢地3位都安全返黎! 不過佢地話見到爬上去既途中,見到D父母帶住佢地6-7歲小朋友行上去,可能因為太高,又斜,D小朋友都嚇到喊, 呢D父母真係冇責任感,點解梗係要帶埋D咁細個既小朋友出去,唔好講小朋友,連大人行上去都會危險啦!!!!!! 原來有D人真係唔識RESPECT 當地人之外,亦唔諗下個後果!

SORRY BOOK

係ULURU NATIONAL PART 入面有個CENTRE, 有一本叫做SORRY BOOK, 雖然我唔知入面既所有信,EMAIL, NOTE係真係假…不過真係有好多封呢D寫黎道歉既信,大部份人都係曾經黎過ULURU, 而因為想留念而拎走石頭,或者爬過ULURU既人, 個別既人之後遇到不同既不幸既事,有D真係好具體咁列出,如家中有人患病,失業等等… 亦有部份純粹寫信黎道歉……

CULTURAL WALK

除左自己行之後, 呢個TOUR仲包左一個CULTURAL WALK, 由一位ABORIGINAL女士ALICE, 同一位INTERPRETER (因為ALICE講土著話,呢個女仔就用英文覆述),不過我一見佢,就覺得好impressed, 因為我會以為呢個工作會由澳洲人或者係識講英文既原著民做, 而呢位女仔係日本人喎!!勁!! 我估佢真係最少學左2-3年,又要對佢地既神話故事好熟悉!! (雖然可能佢地次次都係講同一d故事=_=)不過有個好笑位, supposed個位aboriginal係唔識講英文(咁先要有個人解話嘛), 不過有幾下, 個位aboriginal 講英文喎!! 穿幫!!!!(哈哈) 我相信佢其實係可以流利地用英文講俾我地聽….此舉無非令成件事更有故事性,更神秘~~~

食晚餐,同場加小老鼠覓食記!!

其實之前都係AS 既YHA見過死左既老鼠仔,不過呢晚食緊飯,見到2隻小老鼠都想黎分享食物!!=_=’ 我仲同佢對望,佢仲好似唔驚人咁,我要作勢打佢,佢先急急逃走!!

驚嚇/怪事分享

基於大家沖完涼冇咩好做, 就圍住火堆傾計~~ 話說有2個人岩岩去完darwin, 係個個tour 入面講到其他人既分享,可能大部份都係一個傳一個….可信性就真係見人見智!!

真事一:

話說有個金髮既女係DARWIN地區參加TOUR, 同行既朋友忽然同佢講: 點解你D頭髮咁長既? 金髮女答:下,唔長呀?! 朋友: 唔係喎,你D黑色既頭髮好長喎,係側面近耳仔位置!! 金髮女就自然反應用手一掃, 哇,嚇到佢即時大叫!! 原來有隻成隻手咁大既蜘蛛係佢面上!! 佢嚇到喊….. (如果係我…我都會…..嚇死,有毒就真係攞命!!!!=_=

事件二:

話說有2個人去到北邊地區(類似呢D傳聞都黎自NT?!), 佢地自己開車到一間HOSTEL CHECK-IN, 不過入到去覺得氣氛怪怪, 唔知點解周圍都有好多膠模封住!!咁佢地見情況不妙,就開南走…..後來佢地去到一個INFORMATION CENTRE, 就問人有關個間hostel, 點解會咁奇怪呢?.... 點知個個服務員話, 佢地講個個位置,係冇任何hostel架!! (呢個聽完係有d驚,不過可信性低!)

事件三:

我呢位團友又再提及wolfs creek 呢套戲, 佢話係真人真事, 講幾個backpacker 開車係darwin 玩(定唔知邊度),遇到有連環殺手….. 最後佢地係點,我都唔知!! 不過我真係好想睇呢套戲囉!!! (有人幫我搵嘛?!thanks!!)

SWAG OR TENT TONIGHT?! =_=

今晚唔知點解大家都有共識地打算訓番帳篷,可能琴晚覺得涷得制,加上今次訓既CAMPSITE係BUSH CAMP, 周圍好多樹,比琴日更REMOTE,咁我同我同TENT既團友正想入去拎野沖涼,一開門就感覺有一隻野走出黎!我都嚇親囉!! 之後我地真係十五十六, 入TENT訓? 定訓出面? TENT入面好似唔安密密地封住自己,真係差D焗鬼死自己! 我為免自己亂諗搞到訓唔到,所以一邊聽歌,一邊訓, 不過好笑地嚇得團友仔以為有咩小動物發出細細既聲音!;P

當早上離開CAMPSITE時,仲發現一群3-4隻既DINGOES (類似狼既野狗,有D都會幾兇惡),大家都大呼好彩,琴晚冇訓出面!!!

Uluru climb- 堅斜!

日本interpreter & aboriginal Alice

第三站之 RED CENTRE 3-DAY TOUR (Uluru, Kata Tjuta and Kings Canyon)- DAY 1

mishulee — Tue, 3 May 2011 09:22:00 GMT

騎駱駝

騎駱駝係第一個行程! 短短既一個圈路程,要$5,不過今次我差D唔見左太陽眼鏡=_=’ 一隻駱駝可以坐2個人,我個人覺得比騎馬舒服DD,不過我隻駱駝有D唔聽話,個工作人員要多番嘗試要叫到佢企係身!行左半個圈之後,工作人員就開始叫佢地跑,雖然都唔係話好快,不過都幾拋,掛係我心口既眼鏡就唔覺意地跌左!! 好在我差唔多騎完既時候,望一望,發現唔見左!! 好在最後都搵番!

亦係呢個早上開始, 要面對住個D瘋狂既烏蠅!!佢地係不停咁係你面上,尤其係眼,口進攻!為數瘋狂時可以有十幾隻!!都唔好計個D好鍾意’痴;係你背脊,背包個二三十隻喇!>.< 佢地真係可以盲頭烏蠅到,會飛左去你飲緊既咖啡,或誤打誤撞地飛入你個口入面! 好噁心!, 同團就有人飲左加料咖啡,即時 ‘lur’到 ‘lur’唔切!=_=

導遊係一個20歲出頭短髮既年青人Bron,我用’年青人’呢個字眼,係因為我開始時真係唔肯定佢係男定女!!我估佢係女仔,但身材上又好似唔係喎…佢既行為動作又好man喎!! 聲音又中性, 直到……..大家去廁所既時候,我先知道答案 ^^ 我估中左!! 同團仲有另外9個人,算係唔錯,少d 人,當中有2個都係WORKING HOLIDAY, KOREAN 同GERMAN,佢地2個岩岩由DARWIN 既6日TOUR黎到ALICE SPRING…亦有拎學生VISA 既POLISH,相反地佢完左呢個TOUR ,都會上DARWIN. 亦有2對COUPLE 將會去SYDNEY, CAIRNS等地方,當佢地知道我係CAIRNS住過,都問我有咩地方好玩….同團亦有一位約50歲既英國老師,佢有一個月假( LONG SERVICE LEAVE),所以就黎玩,真係好呀,做得耐就有多一個月假,點解香港教育界冇架?!

Kata Tjuta (或叫olga)

之後就一直坐車,約一個多小時後, 導遊 Bron 就叫我地留意左手邊既景物,咁大家都好緊張地驚錯過d咩,又即時拎出各人既相機準備…… 慢慢地我地見到左邊好遠好遠處有一座好大既石, 外形像uluru,大家都不停影相,希望可以拍到靚既相…當我見到呢座’uluru’既時候,心裡面真係有一種強烈既感覺,我終於黎到喇!亦回想到呢段時間自己一個人黎到澳洲,去過唔同既地方,亦終於千辛萬苦黎到澳洲最iconic既uluru!!.................... 就係呢個時間,當各人都以為呢個係uluru之際, Bron 話呢座係 xxx 石, 係咪有d似uluru 呢? 哈哈~ =_=’ 玩我地!!!

呢座山既山路唔算好難行,只係有時有少少斜,不過行行下見到個鬼仔著左SUIT,西褲行山,好奇怪?!? 因為我地之後要去ULURU睇日落,所以係唔多時間既情況下,冇逗留太耐,就回程喇~~

ULURU 之日落

去到既時候,真係嘆為觀止!但唔係因為景色,而係個度多人到呢!?=_=好多TOUR都係黎睇日落,有D仲有紅酒飲,有埋野食咁, 幾咁熱鬧呢!! 我地都唔輸,有香檳同小食!!ULURU日落真係唔錯, 雖然有D涷,加上我拍攝技術有限,開始天黑,影出黎既相麻麻, 唯有對自己講: 最好最靚既景色記左係我心…而唔係相片上~~

Uluru @sunset

今晚食咩餸?!

睇完日落就返去CAMPSITE 開餐, 呢幾日既3餐都幾豐富,不過全部都係大家團友分工合作煮/洗~ 今晚食咩餸?! 有袋鼠肉, 牛排同….駱駝香腸=_= 前二者我都有食,不過當日早上先騎完駱駝先生,依家咁快要食佢!? 同場加映大蜘蛛出沒記,佢定留左係廚房既帳篷外,大家都為佢拍照, 希望佢…唔好周圍走啦!!

星光伴我

報呢個團比其他較平宜既分別,係呢個可以訓係D帳篷入面,比較舒服地有床既,不過第一晚個個都唔驚死,只有2個大男人冇訓SWAG (類似一個大睡袋,有薄薄軟墊), 其餘個個都訓係CAMPFIRE旁邊, 係SWAG 入面再放我個暖立立睡袋,因為真係驚半夜好涷,我估只有10度,我就著定FLEECE啦, 點知…..訓到半夜……我熱醒左,仲出晒汗囉!!;P

訓係沙地上,望上天空,真係有好多好多星星..就好似上次係TASMANIA 睇企鵝個晚咁….. 到我5點再醒既時候, 個D星星係最多最光!!(因為個天極黑)

食早餐時我地發現,隻蜘蛛仲係個個位置冇郁過!!好彩,唔係大家訓覺就驚有野爬上身喇!!^^

The campsite we stayed on the first night, we slept around the fire in a swag!

cheers!!

Kata Tjuta / Olga

our guide-- Bron, who is good at science and geography!

第三站—Alice Spring

mishulee — Sat, 23 Apr 2011 23:02:00 GMT

從tasmania到melbourne, 去左TO死黨光大屋企休息左2個晚上,其實有點累,因為係tas經常早起,又要半夜搭shuttle bus,到達mel第二天出左city行,不過真係太累,居然係hop-on hop-off free shuttle bus(俾遊客免費遊覽mel city景點)上,訓著左!! 真係純粹遊車河+訓晏覺!=_=’

12/4又要麻煩光大半夜涷冰冰車我去機場,搭6:10am去Alice Spring~~繼之前由GOLD COAST去TAS,感覺由夏天地方去左冬天既地方,今次又由涷冰冰既MEL去到熱喇喇既ALICE SPRING!! 真係好熱~~!

巧遇

因為一早去到ALICE SPRING YHA未可以CHECK-IN住,就放低行李周圍行下,就係行行下,忽然見到一個類似呀BEN(一個係CAIRNS識既朋友)既人,我就叫佢啦,佢好出奇我忽然出現係度~~哈哈,我知道佢係alice spring做野,仲想晏少少打俾佢,點知就係路上遇到喇!可見alice spring係好細!(得2-3條街有野行)亦多謝佢請我食早餐,佢果然搵好多錢丫!!又做mc記,另外又做cleaning! 係佢2個同行既朋友入面,又帶多一個朋友黎, 望落去好熟口面, 原來上次係bruny island 見過面, 係農場朋友wing 同ling 既朋友,嘩, 澳洲真係細喎!!又遇到朋友既朋友!!

Alice spring小貼士

遇到ben同佢幾位朋友,邊食早餐,邊聽佢地係alice spring既經歷,尤其有趣係ben偷住backpacker,而遺留左電話既經歷!又從佢地口中,知道AP既廁所要收錢?!(咁大陸既?!) 原來因為呢個地方好多aborigines,佢地會整到個廁所好污漕,所以就用收費廁所黎減低佢地既使用量!!咁我就問喇,咁你地要去廁所,去邊度有乾淨又免費既呢?其中一個女仔就會去YHA, 因為入去唔需要KEY CARD,又乾淨,另外一個選擇就係MC記! 果然MC記係BACKPACKER係好朋友!!!!!又有FREE WIFI!!~~

BEN亦千叮萬囑,我入夜後就唔好出街,因為晚上好多ABORIGINES出黎,又可能飲左酒, 要小心 ,因為ALICE SPRING係ABORIGINES係地盤!!

後來我跟一位英國同房傾計,佢話早幾個月ALICE SPRING治安好差,好似有遊客俾ABORIGINES打,所以有段時間D HOSTEL既人都會叫D BACKPACKER晚上唔好出街,就算幾個人一齊都唔好,講到好似宵禁!! 咁驚!!

當然我一個女仔,都盡量日頭出去買野,行下,下午都會4-5點返HOSTEL,不過街上真係有好多ABORIGINES,一家大細既..不過講真,行過佢地身邊,真係會聞到有異味…. 有次我去到LIBRARY,打算去睇下書,一入到去,見到有9成半都係ABORIGINES, 唔係打機呢,就係聽緊音樂,或者睇緊VIDEO, 佢地都識搵地方HEA,因為有冷氣嘛!!

難得有興趣睇書!?

係未出發去ULURU 3-DAY TRIP,為左打發一下時間,就行下記念品店同書店.當然我對記念品冇好大興趣,相反書店入面某些書都幾有趣! 對於一個睇書係3分鐘熱度既我,究竟咩書我會肯花錢買呢? 以下有3本書係我想買既,1)MY FAVOURITE TEACHER (係講好多唔同既人,講番佢地最鍾意既老師),聽落好似好悶,不過當時我幾想睇,因為我想知點樣可以做一個’好’老師; 2)SEE AUSTRALIA AND DIE (呢本睇個名都已經好吸引啦!!係講好多真人真事既, 係AUS不同地方遇到既意外,有D好彩既受傷,有D就死左!!)我都幾想睇呢本,不過又有D驚….當然睇左佢,會提醒自己多D,要小心D, 而目的唔係想嚇親自己啦!!3)LEFT FOR DEAD (講一個男人唔知點解留落AUS既DESERT, 71日後先俾人救番,真人真事!) 最後我就買左………

.(希望返HK前可以睇完!!!!)

<<WOLF CREEK>>

英國同房言談間提起呢套早幾年既澳洲片,係真人真事,講有幾個BACKPACKER係澳洲玩既時候,被人殺左…>< 我都幾想睇喎!都係個句,又驚但又想睇呢! 可能返到HK,又唔會咁想睇喇!! 同呢位同房一係冇野傾,點知有一晚一傾,講唔停!! 不過最深刻既,係佢話佢之前遇到一個德國女仔,佢就真係..都唔知叫好彩定唔好彩喇!佢往往去既地方都有事發生,例如有一段時間去BRISBANE,之後就水浸,之後去CAIRNS,接住就有CYCLONE YASI,打算去NEW ZEALAND,就有地震, (以上都係佢去完,個個地方就出席天災),跟住佢買機票去日本,就出現地震+輻射問題, 今次佢冇辦法,,一定要取消行程!聽完之後,真係唔知話佢好彩丫…定黑仔喇!!

HEA下,睇下書,同同房傾下計,就打發左2天既時間, 好,訓夠準備向ULURU出發!!

FREE LESSON!不過我冇JOIN到,可惜!

very aboriginal style airport @ alice spring

休息一天,再出發~

mishulee — Fri, 22 Apr 2011 00:24:00 GMT

10/4-11/4

行程好緊密,離開TAS,會去MEL一日,暫時會住係呀TO既朋友光大屋企!可以放低大部份行李,輕裝上陣,向ULURU出發!!

到達後跟光大同佢太太EVA去飲茶...有一張舒適既床,可惜訓2晚又要起行!去完ULURU再會回會MELBOURNE住,算係旅程中有休息既機會,畢竟天天JOIN TOUR係會好支力架!

期待ULURU之旅,一個去澳洲必去景點!

第二站- Tasmania (PART 3)

mishulee — Thu, 21 Apr 2011 23:29:00 GMT

6日環島遊

參加完呢次環島遊,真係有種感覺: 點解外國人咁鍾意行山呢? 係6日既行程入面,去左都唔記得有幾多個既NATIONAL PARK,行過幾次2-3小時既山,有D幾容易,但有D都係幾辛苦,要攀爬!! 幸好我一向個袋既都有D裝備,水,小手巾,太陽油,帽,餅乾,風褸,頭燈,仲有唯一一對陪左我大半年既行山鞋!!雖然我冇挑戰個個係CRADLE MOUNTAIN 令人怕怕既MARION’S LOOKOUT, 即使行不太難既山路,都最好都足夠既準備!! 到過WINEGLASS BAY,我覺得景色一般啦,可能天氣未係最好既時候,海灘還是一般 >< 相反我有較深印象的,係導遊解說WINEGLASS BAY呢個名既由來,唔係個海灣形狀似酒杯,而係以前呢個地方會捕殺鯨魚,海水被染成紅色,都好似紅酒一樣,這令我想起我之後睇過既戲THE COVE一樣,日本有個地方專捕殺海豚,以致整個內灣染成紅色!! 當然現時呢個地方冇人再捕殺鯨魚,只有遊客黎行山拍照~~ 經歷左好多天既NATIONAL PARK參觀,令我覺得個個NATIONAL PARK都差不多,有好多樹,可能有個小小既瀑布,但有什麼明顯不同嘛?我睇唔出喎!! 當然,去到有河流,湖水反映岸上既景物,亦真係幾靚,不過睇得多,我都覺得沒有什麼特別了!!

又係香港人?!

團上又遇到幾個香港人, 有2個都係WORKING HOLIDAY 2仔,另外有一男一女係香港工作TRIP黎澳洲,之後STAY BEHIND玩十日.一傾之下其中個WH女仔原來同我同一間中學,係我師妹呢!佢家姐係我師姐,世界真係細!! 相反另一個女仔,我就極少同佢交談,可能佢太COOL, 加上我覺得我同佢都唔係會好岩傾架喇…… 因為我覺得去到澳洲呢個環境,有D事要學識適應,唔可能要求有同香港一樣既生活質素,飲食質素,所以我覺得我要帶過黎既野,係真係我既必需品,而唔係LUXURY!或者有好多人(特別女仔)會拎好多好多我覺得唔需要既野過黎….化妝品,直髮器,指甲油等等…

呢個女仔唔係我講呢種黎WH扮靚既人,不過佢對煮野食就有好高要求! (因為呢個TOUR唔包午餐同晚餐,所以晚餐通常自己買材料返HOSTEL煮) 為左煮一餐,佢會買好多材料,仲有好多一定會用唔晒既調味品,亦會動用3 個煲,6隻碟去完成個2盤主菜,或者佢覺得自己好型好PRO,不過在我眼中,只係浪費金錢,浪費食物,過多要求既人!!如果我係一個冇其他人用既廚房入面,我會樂意花時間去煮一餐,但如果眼見廚房有3-4個人等著開爐煮野,或等候洗碗既話,為其他人設想既,都會盡快完成,讓下一位煮食既人可以使用………. 記住我地JOIN緊TOUR,住緊HOSTEL,唔係你既SHAREHOUSE,你香港既屋企…第一天既晚上我地呢幾個香港人就打算一齊整野食,不過見到呢個女仔佢好自我咁買材料,感覺就好似唔太想夾份買/煮…. 我個位師妹就解釋,話佢個人比較COOL, 或者應該講係作風好唔同既人,黎WH都希望結識多D人,知道多D身邊既事,但感覺呢位高傲既女仔,只顧自己,話都唔會多講一句!!

BICHENO睇企鵝

去到一個小鎮叫BICHENO,晚上參加左一個睇企鵝團,我未去過MELBOURNE既PHILIP ISLAND,所以冇得比較,但同行有去過PHILIP ISLAND既人都覺得,呢次睇既企鵝好少好少,個感覺仲好似係特登放幾隻企鵝俾你睇?! 全程睇到約十隻企鵝,有D係海灘度行上黎…而PHILIP ISLAND可以有成幾十隻,真係由海度慢慢走上岸呢!! 不過最大收穫係,我睇到我有生以黎最多既星星! 因為睇企鵝係唔可以有光,所以全程都好黑,但一抬頭,D星星多到好似見到銀河一樣, 當我長時間睇左一個位置,原本以為只有十粒星星既位置,慢慢會發現有更多更多!! 雖然企鵝令人有點失望,不過見到咁多星星補數!!

善忘?定千篇一律?!

Wineglass bay, Bay of fire, Ross, Richmond, Cradle mountain, Bicheno, Strahan, Launceston…好似好多個地方,但印象深刻的,現在(玩完10天後的今日)真的想不起了!!=_=因為對我黎講,無咩特別?! 有不錯的沙灘,但水係極涷~咁岩我地見到野生KANGAROO走黎走去既WINEGLASS BAY, 雖然到處都有警告,叫旅客唔好餵野佢地食, 不過香港人嘛…佢地又拎住薯片,邊餵邊拍照,我遠遠坐一旁… 有些外國人睇到,都同旁邊友人指指點點, 唉…. 為左影相既香港人係唔會理呢D野….=_=’….

係LAUNCESTON 既HOSTEL,遇到一個奇怪既STAFF,CHECK IN時一定要大家齊晒人,話要佢重覆再講對佢好唔公平!(=_=)又當我地係3歲小朋友咁,講個條係KEY,唔可以唔見,第二日CHECK OUT點還,不過成個過程佢講得好慢,好長氣,大家都覺得好唔耐煩,只希望盡快取得KEY,就可以直奔房間!!又係廚房遇見一個HK女仔,一個台灣女仔,傾下原來呢位HK女仔辭工黎純玩半年,當佢知道我教書,佢話佢都有接觸學校, 後來我先知道佢係社工,相信佢都面對好大壓力,把心一橫辭去做左十年既職位黎澳洲!!希望佢真係可以充電後再回去!! 至於那台灣女生,雖然只係晚餐時一齊傾計,但感覺佢係好開心,一個好易相處既人, 可惜我第二天要走,唔可以再同佢相處>.<

WILDLIFE

呢次旅程,見得最多既,都係KANGAROO同WALLABIES,亦終於見到TASMANIAN DEVIL, 外形幾得意,不過見到佢地食野個樣,又真係幾DEVIL既!! 可惜見唔到WOMBAT,同團有人見到一隻,佢好好運呢?! 我地幾個女仔,晚上仲學人出去探險睇動物,佢地叻啦,電筒又冇,黑到咩咁,好在我有準備電筒O者,唔係連返去既路都睇唔到! 不過可惜,只係俾我見到WALLABIES,同POSSUM,雖然見唔到WOMBAT,不過叫做有野睇到....=_=

人生的第三隻生蠔@ TASMANIA (1^ST- SYDNEY, 2^ND – CAIRNS)

之前係BRUNY ISLAND錯過左食平生蠔既機會,去到TOUR最後一晚,到達一個叫STRAHAN既地方,難得就同個2位黎工幹既HK人去食飯,雖然都係FISH N CHIPS,不過今次有生蠔(一人一隻),帶子,蝦…. 味道不錯啦~~

6日旅程結束

去到最後一天,天氣開始不太好,陰天亦開始有雨,幸好黎到最後一天先黎差~我要早D休息,因為第二日早上9點機去MELBOURNE,不過要搭4點幾既SHUTTLE BUS去機場,即係3點幾要起身,OMG!!!

NO SENSE OF HUMOUR?! =_=’’

話說我零晨4點幾係街上等SHUTTLE時,(有另外一男一女都等緊),街上偶然有幾個飲完酒既鬼仔鬼妹行過,都冇特別理佢地,後來有2個飲醉既鬼仔行過黎,其中一個仲攬住我+背包,我就推開佢,另一個都話佢係SMALL POTATO,仲話佢係IRISH, 我個表情話俾佢聽我覺得ANNOYED, 呢個男仔仲不停咁講我冇SENSE OF HUMOUR…..我只好推行李走開,期間佢仲係咁講……之後佢地見我冇理佢,佢地就經過另外個2個等車既人,講同一番說話,佢地只係笑笑….唉….知道我點解唔鍾意飲酒未呀?亦更加令我唔鍾意飲酒既人…..

BAY OF FIRE

被薯片引黎既袋鼠=_=

企鵝出沒注意!

第二站- Tasmania (PART 2)

mishulee — Thu, 21 Apr 2011 16:23:00 GMT

SALAMANCA MARKET

每逄星期日,係SALAMANCA PLACE會有個SUNDAY MARKET,幸好我遊島前可以一去~果然好熱鬧,好多人將自己HOMEMADE既東西拎出黎賣,有手工藝品,果醬,新鮮生果等等…剛好呢日係有個YOUTH WEEK既開幕活動,我都邊喝一口朱古力,邊看看節目~ 或者外國人既生活就係咁簡單,星期日同家人出外走走,坐在草地上食下野,傾下計,咁就一天….

BRUNY ISLAND

係TAS第3天報了去BRUNY ISLAND既團,之前都聽人講景色靚,而坐個隻船會幾刺激!!當天一早起身去個CENTRE報到,點知個STAFF話大家要有心理準備,因為當日D浪好大,仲叫大家如果想既,可以改期再黎,或者REFUND!我心諗:咁誇?! 不過最後都只有一兩個老人家冇去,講真,黎得玩,D日子都定好晒,唔係話可以改期再黎既!!我仲買左一隻鯊魚公仔呢,好得意架!

坐左個多小時車,到達一個碼頭,再要搭一架大船, (車用既船),已經感覺比HOBART CITY涷,唔知一陣上船會有幾涷!!=_=’ 呢個TOUR包MORNING TEA,MUFFIN, LUNCH,大家到達BRUNY ISLAND後,就到一CAFÉ食早餐, 我心諗: 要喇!咁涷,要食野暖胃!!天氣都唔太好,下毛毛細雨,更涷!!@.@ 正要食我個MUFFIN時,有2個女仔走過來叫我, OH,原來係WING 同LING,2個我在MENINDEE擇提子識既HK女仔!,咁都可以係TAS 既BRUNY ISLAND撞到!?太有緣喇!! 原來佢地之前係TAS既FARM工作,當日岩岩同朋友駕車黎玩,就遇到我,哈哈…之後我地仲可以坐埋一隻船!同船仲有10個香港人?!一班中年叔叔呀姐埋黎澳洲玩,睇見佢地都幾開心丫!!

好玩過海盜船~

天氣一直都唔好,雨都時大時細,呢個TOUR SUPPOSED係睇下海豚海豹,如果季節岩仲有機會睇鯨魚,不過呢日咩都睇唔到…..><D浪仲高到,我估有4米囉!!大到有離心力呢!? 期間我只係掛住坐穩,都冇機會睇清楚周圍既景色,當然相都唔敢影啦,一個大浪,部機可以講BYEBYE喇…所以我只係乖乖坐定,保護相機!!;P BRUNY ISLAND 係TAS係下方,所以係最近SOUTHERN OCEAN, 風浪就特別大, 可能由ANTARTICA個邊既風吹過黎係特別涷! 完成左2個小時既海盜船之旅,飲番碗暖暖既南瓜湯!!! 亦因為今次個TOUR冇野睇,負責人話有$10 VOUCHER俾我地補償,咁我就用黎買多隻企鵝公仔囉~

早餐 -- MUFFIN & TEA @BRUNY ISLAND

哈..咁都撞到?!

隻TIGER SHARK 真係搞笑!!

第二站- Tasmania (PART 1)

mishulee — Thu, 21 Apr 2011 16:14:00 GMT

第二站- Tasmania 31/3-10/4

話說去tasmania,都係因為之前見到有比較平既機票由gold coast出發,遇到好多人(香港人)都一提tas,就會講起早年Eason 拍既現代塵世美,講有幾靚景,值得一去等等. 而我係無睇過呢個節目下,沒有抱特別高既期望,去到呢個被港人熱烈推崇既地方.

同靖由gold coast一同出發去tas,不過去到後就各散東西,佢會去helpx/wwoof,幫人做下野而有食有住,等到佢家人去到tas,就會開始環島玩; 而我就留tas 10日,踏上獨個遊蕩澳洲一個半月既旅程!

一落機已經係晚上8點多,機外真係好涷!跟我早上學surfing既surfers’ paradise比,涷左十幾度呢!!早上仲跟陽光玩遊戲,晚上感覺去左一個正值冬天既地方,有趣!加上我在cairns太耐,習慣左太耐熱既天氣,突然要著長褲fleece好唔慣!! 同靖講再見(係香港先會再見)後,就搭shuttle去hobart YHA,令我握一把汗係要行3層樓梯,身上一大一小背包,再加重重既小行李箱, 好!我冇理由搞唔掂,呢半年來行李都係我一手一腳搞掂呢!!@.@

HOSTEL廚房 – 一個打開話匣子的地方

Hostel入面當然住左好多我呢d短住幾天既backpacker,可能係一,兩晚或幾天,先說在廚房先後遇到幾個香港女仔(唔知點解全部都係女仔?可能女仔會住YHA,貴少少但乾淨其理!男仔會住再平D既地方?!) 佢地都係岩岩完成左環島6天團,而係我將要參加既團,所以從佢地口中,都知道食野,住宿既TIPS. 呢幾個女仔有D岩岩黎一個月,有D已經係黎到VISA最後既2星期,準備二簽再黎,同佢地既交流感覺真係唔同,有些充滿經歷,到過好多地方吃過苦既,亦有剛來,未有清晰既計劃,努力地搵CITY工,而又想去農場搵錢既人….而我,就好像在中間,有點經歷分享,但去既地方又唔算多…. 不過我地大部份都有一共通點—獨立!不難發現有個別女仔不太參與交談,唔知係佢覺得話題不感興趣,還是佢地較被動呢…但我有感覺,呢個別女生,大概比較不獨立,較喜歡有朋友同行….

而另一在廚房遇到既一個鬼佬,佢好似長住係度,由我頭3天,到TOUR完成(即第10天)住一晚,都見到佢係廚房,又拿著一杯紅酒,滔滔不絕地說東說西!我頭一次就唔知道佢既’習慣’,客氣地回答佢既問題,誰知一答,佢就不停說話,又問我香港住那,一時又播佢手機上一段錄音,問我知道那錄音中女仔唱什麼,(那段錄音係佢到中國旅行時,一個中國女仔唱了一段歌,佢用手機錄下的)…….後來我發現佢可能飲醉喇,我都唯有搵機會離開廚房=_=’’

係真正出發環島遊前,有2,3天時間,我都到附近走走,距離HOSTEL不遠就係碼頭,水好清,可惜第一天天陰陰,影唔到靚相,碼頭旁邊有幾隻小船,賣FISH AND CHIPS,偶然有一兩個人買下CHIPS,坐在旁邊吃,海歐都被吸引過來!真係好優閒寫意既生活,我都難得讓自己食D想食既野,買了FISH FRENCY 既FISH N CHIPS,好貴,但偶然一次都OK啦,薯條多到不得了,難怪外國人既身形如此健碩啦!!

終於好天少少啦!!

大雨後的彩虹

REFLECTION~

Photos: Melbourne 17 Apr- 3 May 2011

mishulee — Tue, 19 Apr 2011 19:37:00 GMT

two weeks stay in mel, more time to explore and take a rest~

Photos: Uluru, Kings Canyon & Kata Tjuta 14 - 16 Apr 2011

mishulee — Tue, 19 Apr 2011 16:10:00 GMT

3- day trip in central Aus, it is amazing!

Photos: Tasmania 31 Mar- 9 Apr 2011

mishulee — Tue, 19 Apr 2011 15:21:00 GMT

4 days + 6-day tour around Tasmania

Photos: gold coast 29-31 Mar 2011

mishulee — Mon, 18 Apr 2011 18:11:00 GMT

just a short stay in Gold coast before Tasmania

第一站-- Gold Coast

mishulee — Sat, 2 Apr 2011 23:43:00 GMT

離開

要離開CAIRNS呢個生活左前前後後4個半月既地方,鍾意呢度夠細,方便,亦識左好多唔同既WORKING HOLIDAY既朋友,好好既同事,又去玩過唔同既活動: 潛水、騎馬、SKYDIVE、激流、小型飛機;亦住過HOSTEL, SHAREHOUSE,住船做VOLUNTEER……不過都係時候離開去下一站,去開始玩既旅程!

上機前一肚氣 =_=

出發去機場,幸好有COLLIN (SHAREHOUSE OWNER)接我地去,時間又充裕,以為會好順利,點知我地走到COUNTER, 個STAFF見到我地既HAND CARRY 行李,就開始為難我地!,先叫我地放晒D野上去磅,發現我地2個都超晒10 KG既限制,就叫我地將D野執好放入寄艙行李,我地就求其執左D,再去COUNTER,點知佢又磅,話又唔得,仲話如果過重就要罰$15/KG…咁我地又再執,今次都用左另一個袋去放D比較重既野,跟住唔拎過去,諗住偷雞啦…點知去到,佢又原來知道我地放左個袋野係遠處!仲要我地即刻處理左佢,而佢仲話 ‘you still have 5 minutes to do it before boarding’ 下!! 咁俾佢為難,我地整整下搞到成個鐘!! 唉,最後可以唔要既野都掉左,不過都係要罰錢囉!!!!>< 多左3KG, 盛惠AUS$45!!

GOLD COAST 2天短遊

到達GOLD COAST後,第一個感覺係----咁多咁高既BUILDING既?! 仲要個個D DESIGN都唔同,有D都好得意!~ 不過都後來見到太多喇,呢D有D可能係RESORT,又可能做埋SERVICE APARTMENT,不過我覺得起咁多,每棟既入住率都勁低! 邊有咁鬼多旅客呀?!?! 我地住既YHA @MAIN BEACH, 俾佢個名坤左,以為好近SURFERS PARADISE,點知…..遠到呢……我地由YHA行去,要成50分鐘!!!第一晚只係周圍逛下,陰天,仲有雨….

第2日我地就去其中一個主題公園,而我地去既都比較少人去同冷門! 唔係大家一諗起既MOVIE WORLD, DREAM WORLD,而係DREAM WORLD旁既一個叫WHITEWATER WORLD, 類似以前香港既水上樂園啦~ 不過呢日天仍然陰,大部份時間都有雨,所以都真係幾涷囉!! 我好耐冇玩過呢D水上機動遊戲喇!有D都幾好玩,有個叫GREEN ROOM, 有D位直衝落去都幾驚!!不過最特別係有一個叫WEDGIES, 我地初初都以為佢同其他個D一樣,都係坐水泡滑落去,點知佢個度只有一個直立既圓筒,當你站入去READY,你踏住既板就會收起,簡單黎講,幻想你企係度,忽然個地面下陷而你就直跌落去!!!!! 抱住有D驚又想玩既我都有一試!!果然,行左入去個個圓筒型CAPSULE物體後,個心幾驚,雖然佢有數3,2,1,不過當個一下隻腳企緊既板一郁,真係大叫囉!!不過之後其實都冇咩特別,淨係知道一面都係水,眼都打唔開!=_=’’

最後一日行程緊迫,因為要一早起身去旁邊MC記上網,又要準備CHECK OUT,而另一方面要搭YHA SHUTTLE去PARADISE學SURFING! 學完仲要番去YHA拎行李去機場(為免上次CHECK IN咁趕,我地仲要預早D!)

難得呢日天氣唔錯,有陽光,唔係都會有D涷!!呢堂$45既SURFING有2個鐘,同時有2個鬼仔去學~ D浪真係幾大,(不過教練SAM話呢D只係一般既浪),好唔容易先行出少少,不過一個浪黎,又會將我推番後…..我覺得呢度D浪,真係FEEL到佢既力度,係香港我玩過既,真係好細力….我基本上都可以半蹲咁,有幾次我都成功企到,有次仲真係FEEL到我可以用腳去改變方向!!UM….見到呢個有咁正既浪既海灘,如果TOMMY,呀LONG,教練,呀韜可以一齊SURFING 就好玩喇!!!!!!!~~~~^.^

短短2日,雖然好似唔夠,不過唔緊要啦.....要向第二站TASMANIA出發!!

天陰陰><

@WHITEWATER WORLD (DREAM WORLD旁既水上樂園)

LAST DINNER WITH CHING IN AUS

SURFING @SURFERS' PARADISE (教練SAM)

?無啦啦有一個摩天輪?!

goodbye Cairns, my real holiday starts !

mishulee — Tue, 29 Mar 2011 02:34:00 GMT

今日(28/3)係我留係CAIRNS最後一日,下午返去GOLDEN BOAT還圍裙,見到CODY 同青哥,真係有D唔捨得,因為佢地對我都好好...唔知我地幾時有機會再見呢!? >.<

之後我就去左報下星期 TAS 6天團,仲有5月PERTH去EXMOUTH 既TOUR, 一口氣俾左好多$$$$$!

不過琴晚有一件事,令我覺得好唔開心,亦訓得唔好....

除左上次初初黎,有D掛住屋企而唔開心, 今次比上次更唔開心

感覺好差,但又要扮無野...

點解要係我出發前先黎唔開心呢? 我應該要好興奮,開心先岩....><

希望可以快D忘記呢D唔開心既感覺....

完成工作了!! 將要開始旅程啦!!

mishulee — Sun, 27 Mar 2011 19:24:00 GMT

上星期二22/3有幸被老闆邀請返去(當日明明放假去RAFTING)食飯,因為當日係酒樓6週年紀念日~~靖就開心啦,生日仲有好野食!!講真,實在多得老闆,先可以食到咁多中餐,如果唔係我呢半年一定極度掛住唐餐架喇!亦都多得佢,我搞到肥肥白白(黑先岩!)

有邊個會估到唔好飲酒既我,會學識做BAR溝酒呢?!

做BAR都幾好玩呀!

茶水部....一有時間就"LUI'去既地方,飲水!!

睇下,真係好多野食呀!!我地仲飲LLB...哈哈D鬼好鐘意飲既LEMON LIME AND BITTERS~

生豪,魚,鮑魚!!

正!

左面個條魚好大架,依家煮左2味!

我最最最愛--鮑魚煲雞湯!我飲左3碗!^^

大家都盡在不言中!!...

呢個我工作左3個半月既地方,今次真係再見啦!!唔知真係有冇機會再見呢?!

今日27/3終於返埋最後一更(上午),終於完成,對於酒樓入面既人,有D真係唔捨得,成日教我野既CODY,仲有好好人既青哥!真係好希望可以係香港再見到佢地!!

星期二我就開始我既旅程,全情去玩喇!!

29/3 CAIRNS TO GOLD COAST

31/3 GOLD COAST TO HOBART

10/4 HOBART TO MELBOURNE

12/4 MELBOURNE TO ALICE SPRING

17/4 ALICE SPRING TO MELBOURNE

3/5 MELBOURNE TO ADELAIDE

5/5 ADELAIDE TO PORT LINCOLN

7/5 PORT LINCOLN TO ADELAIDE

10/5 ADELAIDE TO PERTH

18/5 PERTH TO BANGKOK (VIA SINGAPORE)

21/5 BANGKOK TO HONG KONG !!香港我番黎啦!!!

Photos: golden boat anniversary dinner 22 MAR 2011

mishulee — Sun, 27 Mar 2011 19:09:00 GMT

Rafting @22 Mar 2011 (Ching's b-day)

mishulee — Sun, 27 Mar 2011 18:23:00 GMT

因為靖生日,所以我地特地要求今日放假去玩!我地報左名去RAFTING,即係激流,不過有趣地台灣人會叫RAFTING做泛舟!我地一聽就覺得呢個名太悠閒,太唔刺激喇!

我地最後報左一個FULL DAY既TOUR, 去左TULLY, 來回車程都要5個鐘呀!!!晨早6點幾就要上車,7點到CENTRE再搭架大COACH出發!成架車都坐滿人!!不過一上車,就二話不說,訓覺!!ZzzzzzZZZZ

雖然話訓覺,不過途中有醒過,見到好多機木倒塌左,就係上次CYCLONE YASI既破壞,仲有,INNISFIL同TULLY都有出產香蕉,不過上次打風,好多蕉樹都吹毀晒,我地路過D農埸都唔見有香蕉,難得見到樹上有既,都好小心咁用袋包裹住~

差唔多10點,我地開始RAFTING喇!,一隻船上有6個人,另外仲有一位教練,我地個條船上面全部都係日本人,教練都係日本人~開始冇耐教練已經要搞到我地濕晒!佢不停咁將我地係一個位打圈,水不斷咁湧入黎,不過初初真係覺得D水好清涼呀!!>,<!!我地有時要爬前,有時向後,有時可能太大浪而要 GET DOWN, 即成個人要坐係船艙入面,所以真係要好專心要聽好指示喇!有一次我差點掉落水,雖然最終都冇,不過我同靖就'面撞面',即時大家塊面都紅左一片,好痛囉!!玩左2小時後,就上岸休息,同食左個LUNCH-BURGER.

食飽之後,又再玩過,我初時以為個路程可能唔一樣,不過原來都係同早上同一位置~不過,早上天氣唔錯,有陽光,但又未至於太曬,下午開始陰,仲開始落好大雨,眼見剛剛先玩過既路段水流不太急,但依家就真係好急,水又好像上升左唔少!!所以教練們都開始緊張起黎,偶然有一兩個人掉左水,其他船眉既教練都幫手盡快救番個人上黎!我隻船其中一個日本男仔,有一次係一個比較急既位置跌左落水,水急到我地隻船都急速飄走,有一下我地都見唔到水中既個個日本男仔!好緊張呀!不過教練就有技術地將船爬回並且將呢個男仔救番上船!有驚冇險呢!!

最驚險都係去到一個高4米既大石,教練都叫大家爬上去,之後就跳落水(水流不太急既地方)!我都有去,雖然又唔係真係好高,不過都有D驚跳落去時,會撞到旁邊既石!所以我都真係有'跳'出去架!!哈哈...好在冇事!!

最後,我地就完成左呢次RAFTING之旅喇! 今次冇買相呀,貴呀!!ZzzzZZZ...回程時訓死左!!!

窮富翁大作戰- 後感

mishulee — Sun, 13 Mar 2011 17:24:00 GMT

係呢幾個星期入面,除左返工,放工外,就睇香港電視劇...(令我有時會以為自己身在香港呢!^^)

係ITUNES 下載左港台製作既窮富翁大作戰,睇完真係有一點..有一點似我係AUS 咁(當然我比住300百呎不足既板間房既人好好多)

呢一班可能有學歷,或者生於富有既家庭,係社會上有地位既人,去體驗一D社會低下層人仕既生活,所面對既困難...我唔敢講係香港既我係好富有,但起碼有份收入不錯既穩定工作,不需為生活而擔心;黎左AUS之後,要去做不同既工作,亦係香港我唔會做既餐廳WAITRESS,係酒樓賣點心;係船上洗碗,洗廁所...亦要好努力去慳錢,盡量唔會浪費金錢~~ 我會覺得我係幸福又幸運,可以有呢個體驗,而又好坦白講,好幸運地我可以有選擇既機會,去做呢件事,1幸福地亦可以選擇番去我以前香港較無憂既生活!因為我知道有好多人即使好努力,基於好多因素,都好難去改變佢地既經濟能力,改善佢地既生活!

呢幾天睇到日本地震新聞,真有覺得幸福唔係必然.... 亦有衝動想回家喇!

任性既我,雖然係AUS經歷不太多,去過地方又唔算多,不過身心都覺得有D累...想回家...

或許去AUS對於我黎講,不只係去遊歷,最重要係俾我認識自己,改變我對事物既睇法呢!

騎馬記@ 2-3-2011

mishulee — Thu, 3 Mar 2011 17:13:00 GMT

上次留係cairns錯過左騎馬呢個活動,今次返黎,我要去騎呀!

算係好彩天氣不過不失,因為早一個星期日日都落大雨,我地仲有諗過有冇需要改期tim,不過琴日天陰陰,仲好,因為唔太曬又不太過熱!難得我地request左3個都可以早上放假,一齊去騎馬呢!

一早7點幾我地就等shuttle bus接我地,車程約40分鐘,到達農場後識左一個係呢個農場工作既hk女仔,叫kathy,原來佢係度做義工(包食宿+騎馬),聽落都幾特別,不過可惜最少要做8個星期,我似乎冇時間可以做喇~ 填完d基本資料之後,kathy就講解左一d基本知識,e.g.點樣知道隻馬開心/發嬲,點樣上落馬,控制方向,馬上既動作等等,之後kathy就分配3隻馬俾我地!哈..話時話,我地咁岩只有3個人係呢次trip入面,所以我地係包左個tour架!!

我個隻叫做calypso,毛色比較淺,條尾係金毛tim~上左馬之後,一開始時都有d困難,因為踢佢都唔行,kathy話我唔夠大力,要再大力d踢,不過我覺得已經好大力架喇!!可憐既馬仔!佢好鍾意行d邊緣位或者係行到勁貼d樹,我成日都要避d樹枝,唔怪次得要戴頭盔喇=_=' 後來佢都叫做聽話,起碼佢都跟住前面隻馬乖乖地行!靖既馬就搞笑喇,佢行最尾,一直都行得比較慢,又同前一隻馬保持一段幾遠既距離(因為據kathy講,佢同前面隻馬唔friend!)最好笑係我地成日回頭望佢同隻馬,隻馬個樣真係好眼訓咁!隻眼咪剩一半!!

頭一小時我地只係行,休息左一陣之後,第二小時我地要'跑'喇!其實都唔算跑既,因為我地都係未騎過馬,所以都只係比行快少少既...急步!不過,呢野急步係真係好'登'架!!雖然每次都只係一段好短既路,我已經覺得登到快d想停!最好笑既係,我隻calypso一跑,就唔停咁放屁,我初時仲唔知,以為D咩聲TIM?!?!哈哈,佢食錯野咩?(其實佢都只係食草O者!)有時我因為控制唔到佢行既方向,我就不自覺地同隻馬講:'E,你想去邊呀?/唔係呢邊喎!?/好喇,停喇!' 我都唔知自己做咩要同佢講野呢...我朋友仲話,我應該講英文....=_='

不過最後有一段小斜坡,CALYPSO忽然跑起上黎,係我冇心裡準備下,又冇即時拉緊繩而拉停佢既情況下,我差D驚會墜馬!好在後來我有及時拉停佢JA!!!!~~~

唔知我有冇機會騎下駱駝呢?我估應該比騎馬更唔舒服!><

呢幾隻馬等緊我地啦!

有金毛既CALYPSO

用D黑糖餵馬...

YUCK!佢仲咬我呀!><

旅程結束前的午餐

Photos: Horse-riding on 2 Mar 2011

mishulee — Thu, 3 Mar 2011 16:23:00 GMT

two-hour horse-riding ~ it was fun^^

工作多一個月,又出發喇~

mishulee — Fri, 25 Feb 2011 18:34:00 GMT

回到golden boat工作已經第5個星期喇,早3個星期因為新年而忙得不得了,忙到有一下,我好似諗唔起自己係香港係做咩(好誇張咁喎!)再認真咁諗,其實我係澳洲工作左只有2個半月o者,點會咁容易忘記左香港做左4年既工作呢?不過真係有種好'虛'既感覺,好唔真實!唔真實並唔係係澳洲做waitress呢個感覺喎,而係原來我真係係香港教書!?!

近來係餐廳,仲做埋bar!對於一個都唔係點飲酒既我,記啤酒名我都仲ok,不過紅酒,白酒,以致要溝既酒,我初初都成日問,呢個落咩架,個杯又要加檸檬嘛?!不過,都好丫,有D野學到,又幾好玩!(有試過溝錯左,就益左老細細佬啦,又有得飲喇!)

仲識左一d紅白酒名.... MERLOT, FOREST HILL, ST. CLAIR, VILLA MARIE...仲有要溝既包括:scotch dry,rum and coke,burbon coke,gin tonic等等等.......

近呢幾日工作明顯冇咁忙,所以返工既時間都少左,叫做可以休息下,手指又同之前一樣,每一關節都好累,不過我估,都要係我真係唔做呢份工之後,先可以完全好番晒喇!黎緊再工作多4個星期,3月尾我就會去gold coast 2日,之後就會去tasmania~ tasmania既逗留時間都仲未諗定,不過肯定既係,完左tas就會去melbourne.

雖然話tas回mel既機票未買,但我已經買左5月初由mel去adelaide既機票喇!而adelaide去port lincoln既來回機票都已經買埋喇,所以大白鯊之旅已經係事在必行架喇!

好期待呀!分分鐘uluru既想去程度同睇大白鯊比,大白鯊係100個想!@.@

難得DAYOFF,居然會咁......

mishulee — Fri, 25 Feb 2011 17:34:00 GMT

今日難得DAYY OFF...居然...

話說頭先出房門見到一個好生面口既男人用緊公家電腦上網,而出面度大門又開左!(近來唔知點解度門成日開左,我地住下層,如果我地行開行埋冇LOCK門,D人係完全可以偷晒我地D野!)咁我想去廁所喎, 咪拎埋KEY,LOCK埋門去囉...後來我番入房上網啦,同我同房朋友CHAT(因為佢係餐廳中場休息,上網打發時間)

後來我去廚房拎野食,拎完番黎一開門先知,死喇!條KEY係檯面,而度門頭先冇UNLOCK到!我身上冇電話,冇錢,出面又落傾盆大雨,當然我亦唔會有遮啦!點算好?原本諗住搵OWNER,不過又冇電話打俾佢地,又唔係好想問隔離房既男仔借,跟住諗起可以用公家電腦FB 我個上緊網既朋友求救!呢一刻我真係覺得網路係一個好偉大既發明,而幸好我SHAREHOUSE係有一部公家電腦任人用ja!!亦多得呢位朋友,仲有一個同事車佢番黎屋企開門俾我!仲有發明網路既人士!!

岩岩同某同事MSN,得知一段有趣既新聞...如果我冇剛才既經歷,我睇完呢單新聞,會覺得有D無聊囉,不過基於我都係偉大網絡既受惠者,我不得不讚佢有D腦,咁都諗到!

日男如廁無紙上Twitter求救

(商台)2010年5月14日星期五 16:43

【商台互動國際組】去廁所沒有廁紙，打999不是辦法。致電家人亦是遠水救不了近火。Twitter就像向世界所有人呼喚，這招有效。

日本秋葉原，暱稱「DJ課長a.k.a內火艇」網友本月5日下午用手機在Twitter上求救，他在某商場廁所如廁時，遇上沒帶廁紙的悲劇，「【急募】衛生紙in秋葉原YODOHASI3樓男生廁隔」、「沒有紙了快救我！in秋葉原YODOHASI3樓男生廁隔」。

訊息得到網友大力散佈，甚至被外國網友翻譯成英文求救。20分鐘，該商場得悉客人遇險，即帶同廁紙前來救急。「DJ課長a.k.a內火艇」求救事件與《電車男》中情節如出一轍，因而走紅被稱為「廁所男」。有網友表示這則故事感人，冀拍成電影。

來自http://hk.news.yahoo.com/article/100514/18/i02d.html

Skydiving on Valentines' Day part 2

mishulee — Fri, 25 Feb 2011 15:32:00 GMT

講番轉頭,係去到個CENTRE之後,要填一份類似生死狀既野,而等候出發既過程入面,有一段教練們係不同地方跳SKYDIVE既VIDEO,邊睇邊等,都有D緊張!!片段入面有個長長地頭髮既教練,睇落都幾型既~佢地去既地方有D係雪山,有時係一條穚?!

同行既仲有另外幾個人,從樣子同英語就知道佢地黎自台灣,不過有趣既係,有D女仔居然著人字拖黎玩SKYDIVE!?會唔會真係認真諗下有咩合適既衣著裝備先黎玩呢?咁當然個CENTRE都有諗到有一班唔乜諗野既客人而準備既鞋數十對,任君選擇!

係真係出發上車前,我地要放低各人既袋,身上可能會掉既物件,之前我仲諗有冇機會可以影下跳SKYDIVE既埸地點知原來一D機會都冇!><,(當然我以為去到先要放低行李,而唔係咁傻以後可以拎咁多野去跳啦!!)一上車,我同同行既台灣朋友LIN講:現在才感覺我們要跳啦!

之後,個幾位教練上車,都叫各人個名,邊個叫你個名,都係同你一齊跳個個教練喇~OH...我個教練就係長髮型男呀!唔覺唔覺,同佢傾左一陣,就已然去到跳既地方,原來同上次玩小型飛機既地方附近,所以其實距離CITY好近, 十幾分鐘就到!

去到就以快到唔記得既速度著左安全既裝備,而第一個上機既我就連望下周圍都冇機會>< 一機有16個人(連教練,唔計機師),一架都幾簡陋既小型飛機~其實即使架機上升中,見到窗外既物件愈來愈細,都未覺得驚,後來我見到既只有雲,以為都應該夠高啦,點知佢俾隻錶我睇,當時只上升左一半,約7000FT,當中有2個人會係11,000FT跳,教練話佢地先跳,之前我地會再上升到14,000FT,然後我地就一個個準備!直到我見到個2個係11,000FT跳既人,係冇咩時間去驚之下,就'LOOK'左落去!我見到個下真係登佢地驚而大叫! ;p

佢地2個都好快消失左於空氣之中,教練幫我做最後檢查,亦提醒我跳出時應有既動作~!輪到我喇!我係被佢推到機門口,雙腳已經係空中,感覺到D氣流好大,個下有D驚,不過係0.01秒內佢就已經將我成個人推出機外!所以係完全冇跳既感覺架!一出機就只聽到好大聲既風聲,我亦可以將手申開,其實個1分鐘既FREE FALL係唔係好感覺到自己係急速下降架!當時我有一刻仲唔知死咁諗:嘩,咁耐都未到地既?咁應該真係好鬼高喇!過左一分鐘後,教練將PARACHUTE打開,個幾分鐘我係特別ENJOY!因為真係覺得自己好似雀仔咁飛緊!!有一段我仲可以自己控制個傘既方向!不過快樂既時間過得特別快,又到時間講BYEBYE!>< 總值AUS$349一生人跳一次既SKYDIVE就結束喇!雖然貴,但值得一試啦!

好,完成左一個任務喇!~

WOHOOOOOOOOOOOOOOOOOO~~~~~~~

開左傘之後,感覺好正呀!!