雖然我地知道我地未必好快可以跟車出去一個叫做broken hill既小鎮買糧食,不過我地都係準備左一d公仔麵同麵包, 每日早餐就係麵包夾芝士,pack lunch就係兩份麵包夾芝士,晚餐竟係公仔麵/米線+ 半條腸仔! 真係好堪坷!!眼見到有4個香港男仔(稱為F4),因為其中一個係hk係做廚師,對食有要求,而且佢地又有車,買糧食不成問題,眼見佢地食既好野真係搞到我好妒忌呀 !!>< 係咁惡劣既環境下,佢地可以食乾炒牛河,問你死未?? 我同靖仲要不斷盤算我地既糧點樣分配,以致可以捱多幾日!!由早餐兩塊麵包+芝士,到要一塊加芝士, lunch就由4塊包+ 2芝士,到3塊包+一芝士!! 一連食左5日既麵,我地都真係受唔住喇!!
正當我地打算難開呢個地方,買左星期六既indian pacific 車飛,即使有人出去買野食,我地都驚食唔晒而唔敢買得多, 點知…..走唔到?! (留意「逃走篇」)所以個個moment除左失望之後,d糧食係仲少過最初!! 係我地絕望既時候,F4就俾我地加入佢地既飯局,我地俾少少錢,就可以食到好好味既野,唔洗再食麵喇!!! 唔洗再咁乞兒喇!!!!!
相比下，我地日日食既麵就真係太。。。。＞＜
大廚整緊乾炒牛河，問你死未？！之後多得佢既食物，我地終於有飽飯（仲係好好味既）食喇！
