我地食完第一餐公仔麵(其實之後幾日都係),就沖涼準備訓覺, 因為第二日早上5點幾我地就要返工!!正當我地係房執野之際,忽然聽到「嘭、嘭」兩下巨響!!我地初時又’淋’左,我一開門,望見我地房對住既女廁,有一個韓國男人訓左係度,地上仲有一大攤血!!! 嚇死我地!! 我地見到有D韓國人出黎睇咩事,我就問佢地佢有冇事,佢回答一句: HE IS VERY SICK! SICK到一地血喎?!咩事呀?! 初初仲以為佢可能唔舒服暈低,唔知點樣碰撞間界到佢既下身而流咁多血!! 基於我地冇咩幫到手,我地就唯有入番房訓覺….之後聽到有鬼妹幫手打電話報警,不過由於太偏遠,差唔多成45分鐘之後先有人黎將佢送走!! 我地都有D擔心佢,如果仲流緊血既話,真係有機會流血不止! ~_~’’
第一晚就係嚇親既情況下, 唔好理咁多…就一訓到天光, 返工!!
___________________________________________________________________
後記: 之後聽人講, 原本呢個韓國人胃出血,又屙又嘔血!! (辛苦到嘔血?唔係咁堅呀嘛?!) 應該係佢之前已經有D病,佢當日被直昇機送到ADELAIDE既醫院,住左幾日院, 用左AUS$ 5000!! 但最O咀既,佢出左院,仲返黎再做囉!!><
