今個星期極之忙碌,好幾日都要返全日,唔知係唔係做野既關係,定係我無啦啦有關節炎(>_<)?每日訓覺都會覺得十隻手指都好累!!係每一節既關節都好累!!(或者我係香港係靠把口工作,依家要用勞力,真係有D難適應)除左身體上既疲勞之外,呢個星期心靈上都冇空間俾我休息、回氣!好想有一日係全日唔洗返工,可以游下水,休息一下!當然這個星期令我覺得係工作上受夠既原因,仲有一個...
話說餐廳既廚房入面,有個負責'執碼'(即執食物材料)既一個男仔,由於廚房忙起上黎係好混亂,有時忙起黎都有身體推撞,初初我都唔覺係咩...不過後來我覺得有D唔係唔覺意, 相反好似係刻意!!呢個星期已經有幾次我覺得係咁,有次我原本已經有D燥,佢仲係咁,我就用國語叫佢唔好再掂我..不過我唔知佢有冇聽到!
都係個句,係餐廳入面,大家都冇再鬧我,亦開始有講有笑,不過差不多做左一個月既我,都覺得呢份工作有點厭倦喇,加上呢個咁令我討厭既人,所以我真係有衝動想唔做!
