不經不覺黎左澳洲2個月喇,如果計正正式式工作,差3天就夠一個月了,第一個月係CAIRNS 係摸索,搵工,認識朋友中渡過(都多得佢地,我可以同佢地一齊煮飯,傾計,日子變得冇咁難過);今個月就努力工作,努力到一連7天都要返工,有時3個小時,有時6個小時,所以覺得真係覺得只有WORKING,而冇左HOLIDAY !>< 不過我知道我依家努力D, 起碼我有點$$ 日後可以去玩, 因為我一離開CAIRNS, 去到SYDNEY,又唔知要用幾多時間先可以搵到另一份工! 心目中黎到澳洲,都有幾樣野係必玩既!當然全部都唔平啦,普通都一百幾十, 再貴都要數百至千元! 所以我都唔係咩TOUR都會JOIN,有D對我黎講可能只有得個悶字,我就慳番唔去喇!
黎左2個月,對澳洲人/澳洲(CAIRNS)/其他國籍既人都有D小小小發現...
1)好多人都會係街酊唔著鞋, 呢樣我到目前仍然唔明白佢地點解要咁呢?馬路上、巴士上、超級市場入面,唔著鞋真係咁舒服?
2)呢度既人會直接開水龍頭既水黎飲,我初初會買水黎飲,或者係出面既飲水機加水,不過到後來RONNIE話我知, ,原來呢度既水喉水係可以飲得-_-'
3)除左學生外,係圖書館借書,係每本都要$$$!!
4)一般人(我呢D黑工外)係逄星期四出糧,所以逄星期四D食店,BAR,商場會開到好夜,所以星期四晚條街好熱鬧!
5)不過星期四對我黎講係唔開心既, 因為係交租日!; 逄星期日先係我既出糧日,一星期出一次~
6)雞胸好貴,雞脾就平好多(我地都覺得外國人真係唔識食,雞脾咁滑都唔食,要食雞胸咁'鞋'!
7)日本人擦牙鍾意周圍行,唔會係廁所入面擦完先行出黎,佢地都會係食完早餐先擦牙架!
8)我遇到既韓國女仔係SO-CALL最唔整潔,食完D飯煲碗碟真係可以幾日都唔洗!
9)香港人怕熱;日本/韓國人就怕涷
10)女仔沖完涼,真係只會攬條毛巾就行出黎,仲有可以係間屋到周圍走TIM!呢樣我到目前都冇學佢地囉!!
