上回講到YASI 令我地要走佬左2日,幸好SHAREHOUSE冇任何事,冇水浸,冇停電; 相反有幾個同事屋企唔係有少少水浸左,就係停電一兩日!我地真係好彩! 睇新聞講個D正中颱風既地方,都有屋頂被毀等等,所以CAIRNS今次冇咩事真係好彩,因為個風打落左D,比預計中遠左! 正如有個朋友所講, 我今次真抵玩!居然係澳洲遇到被聲稱百年難得一遇既強力颱風,而自己能夠安然無恙得黎,住既地方又冇受到影響,但又經歷到係香港經歷唔到既事!咁講真,今次真係好好彩!
不過係颱風過後(打風個晚既第二日),就正正係年初一!好多餐廳早上都冇開門,而老闆知道CITY有電,所以就晒我地返工喇!我估因為冇咩其他餐廳既原因,有好多散餐既客人黎,但我地有幾個廚房既同事冇返工,所以真係有D'林'擋!!
之後個2個星期(到年十一),每日都好忙碌地返工,(我又出現番之前手指痛既情況喇!),因為有好多內地遊客黎澳洲過春節,試過一晚有成80-90檯團餐!簡直忙到水都冇得飲啖!不過都好既,努力搵錢,之後可以盡情地玩!!
年初十團年飯
呢晚收左工之後,我地有餐好野食!好耐都冇飲過(真係好味既)雞湯喇!!仲有鮑魚呀!芝士焗龍蝦,白灼蝦,炸生蠔!轉眼間跟呢班同事都工作左2個幾月,仲有幾個WORKING HOLIDAY既香港同事,佢地都做埋過年就會離開CAIRNS,去開始佢地其他既旅程!一下子都會走幾個人,而我都打算多留係CAIRNS,直到3月尾,之後會去TASMANIA! 畢竟大家係GOLDEN BOAT工作相處日子不短,真有點不捨!呢個新年雖然因為颱風搞到大家失去預算,不過我都慶幸過一個有團年飯食既新年!
多謝老闆封利是!!
嘩,幾多好野食!!
真係好喇,有雞湯飲!!
'撈起' 製作中!(魚生+花生+SAUCE)
