超強風暴「亞西」威脅，迫近接連經歷洪災及風暴吹襲的澳洲昆士蘭。當局疏散沿岸數以千計民眾。氣象部門說，「亞西」預計在本港時間今晚，在開恩茲及因尼斯費爾之間登陸，為當地帶來一千毫米雨量，由於登陸時間適逢潮漲，沿岸可能出現兩米高大浪，低窪地區會嚴重水浸。(YAHOO HK NEWS, 2/2/2011)
今年既農曆新年,真係堅難忘!
目前人在CAIRNS, 呢個聲稱係多年黎QLD最厲害既風將會係今晚10點到,已經係CATEGORY 5 STORM ,係最高級既,似香港10號風球(我估計更厲害,因為呢度既屋太流喇!) 風速達280KM!! 而水位可能上升到2米或2米幾!! 我地住既SHAREHOUSE 係用木做,我地又住地下,琴日有HOUSEMATE都叫我地要pack 野,因為唔安全,木屋唔知可唔可以頂到個風,又有機會水浸! 好多人都已經去左evacuvation centre (可能係學校或community centre),琴日一路都好好天,仲好熱!,不過上午新聞開始不停叫人準備,或者預計呢個風既災害性,超多人去到超市掃貨!好多野都一掃而空!@.@ 琴日早上我臨時要返上晝,一放工我就去woolworths 睇下仲有冇野食, 買左2條麵包,因為擔心冇水冇電就冇得煮食!
我同靖,dickson(同事+同屋)都正擔心可以去邊度住,酒樓老細知道我地既情況,所以琴晚我地搬晒d野去左老細細佬屋企, 仲有幾個同事一齊暫住! 間屋就一定堅固過我地間三隻小豬木屋囉! 不過夠唔夠高地就真係唔知道!
我地原本打算黎返工,農曆新年會忙可以搵多d錢, 不過依家咁樣,d遊客團都取消,個個都失晒預算!!
今日年三十,會同一班同事渡過,據稱今日下午4點就會冇電! 真係希望cairns會冇事,所有我認識既朋友,同事,housemate 都安全平安渡過!
bless all of us!
all sold out !
EVACUVATION on 1/2!!
年三十,居然係咁過?!
