星期三(15/12)我就要離開cairns去sydney喇,雖然係cairns只係2個半月,工作只有1個半月,不過好多事情都習慣左,cairns central買野,返工既路,sharehouse煮野食,雖然好多朋友都走左,我roommate又走左,感覺好似返番去最初黎到, 只有我自己一個,不過依家我有同事,同佢地就好似朋友一樣,每天都嘻嘻哈哈..^^
早前我曾經掙扎過,農曆年返黎餐廳做野,因為我已經適應左呢度既生活、工作、人事,去sydney就即係去一個完全陌生既環境,又再重新開始認識一個新地方,朋友,搵工作,我覺得大部分人都會傾向留係個個comfort zone入面,不敢走出呢個框框,因為有太多未知之數;相反目前既安穩會令人覺得有安全感,好似好多事情都可以自己控制到!我初初都有呢種唔敢冒險既感覺,不過當我再認真諗過,其實,我一開始決定黎澳洲working holiday,就已經係放棄左安穩地當老師一年,出去看看呢個世界,亦係非常冒險既決定啦!有時候,有d朋友好佩服我(或者去working holiday 既人),願意放棄一年既人工,去流浪,去玩,去工作,去體驗,其實佢地都可能有呢種念頭,只不過欠缺左少少勇氣去暫時放下係香港既工作、朋友、家人、男/女朋友!!我亦唔覺得自己有咩咁叻,又或者儲左一大舊錢黎玩一年,只不過我好清楚自己,係30歲前我一定要做既事,唔做我覺得會後悔一世~~ 就係呢個想法,我就離開左我香港既comfort zone喇~
後日我要離開澳洲第一站cairns~ 一個令我好warm既地方,向第二站sydney進發!!!
