因為我有好一陣子冇上午同晚上都要返工,所以琴日同今日要整天返工,感覺係有d唔習慣,又累! 加上我之前同d同事影左d相,我晒左出黎又想每張都寫少少說話俾佢地,所以今日都一早起身寫左好幾張!!><
其實我之前不停掙扎買唔買一本簿,叫佢地寫少少野俾我留念,可是當想到人家可能冇咩想寫俾我既時候,可能為佢地帶黎煩惱...所以就放棄喇!相反,我都覺得我希望佢地記得我,如果有機會黎香港,我都想帶佢地去食下野,玩下!!所以我就晒左同佢地既合照,寫上小小既心聲!! 始終我唔知道係澳洲我有冇機會再見到佢地每一個!!
呢2天佢地都為我留左好多野食,都不停話我之後都冇機會食,佢地仲可以日日食,就留俾我啦!! 所以2日入面,我食左叉燒餐包,蛋橽,香蕉pancake, 炸香蕉+雪糕, 仲有一碟我最鍾意既seaweed prawn rolls!!所以話呢,係餐廳工作點可以唔肥呢??!?!!
晚上我收工之後就約左d同事,朋友去隔離既bar 飲野(So-CALLED我既FAREWELL啦, 哈哈,居然都好多人去喎!^^),我打算先返屋企換衫,食d野....老細知道就叫我番黎食宵夜,我就問佢今晚食咩啦, 佢話不如佢親自整意粉!哈,我真係估佢唔到啦,中國餐廳食意粉!-_-'' 我都同佢講,我想食中式野, 因為我自己好少成日煮d酒樓食到既野啦,,,例如牛河...老細就好妙地答: 你返黎(返工)就成日有得食啦!!!
最後老細親自整左客家人既咸湯圓!! 哈哈,我相信佢係有意思的!!雖然我口話,個湯圓不圓,睇上去係方形既,但係老細又刻意話係故意既,方圓方圓,夠特別嘛!!哈哈哈,謝謝你!! 我真係有點感動呢!! (當我睇到有d人收到我寫上說話既相片,surprise之餘,有一點點感動,我其實都覺得開心啦!!) 仲有係教會認識既李太,佢係一位好好傾既婆婆,成日都好關心我搵到工未,工作辛唔辛苦, 今日我係最後一次返cairns的教會,我臨走時都送左一張相俾佢,佢都不捨得我離開,又攬我say goodbye...>< 我都叮囑佢如果返香港的話, 一定要搵我,我請佢去飲茶!!
"方圓' BY 老細@12.12.2010
多謝你,老細!!
第一個認識既同事-CODY,好好人,教我好多野!最鍾意同佢傾計!!
THANKS STEVE(雖然你都係想搵到藉口飲酒!!^^)
THANKS EVERYONE!(好似飲左好多咁...不過我係一滴都冇飲過,勁呢?!)
雖然係cairns既時間又唔係真係好長,不過都跟這些同事,朋友,教友有了友誼!!我會掛住你地架!!
(12.12.2010最後一晚於餐廳工作,宵夜!!)
