由於RONNIE, BEN 同WILSON都出發去左Darwin/alice spring/uluru玩,中國餐廳走左幾個人,所以上個星期我都有好多更要返!呢個星期有好多日本團餐, 所以返既更都好多,編更既同事S知道我希望賺多點錢, 都刻意編多一點。希望我可以慳D,可以儲多點錢!
早前我上網見到有一個工作請人, 係SALES SHOP ASSISTANT,註明想要CHINESE, 咁我就SEND RESUME 去,個女生士回覆我話有興趣,不過佢開唔到我個RESUME FILE, 就叫我FAX去, 係我唔太願意洗錢PRINT野同印野既情況下, 我用左AUS$5去用電腦+PRINT幾張RESUME+FAX去($2!!!)當然我最想係如果可以既話,就返2份工啦, 不過如果時間唔可以既話,我就再睇下點。
點知,今早個女士打電話俾我, 問我係唔係仲搵緊工, 同有冇WORKING VISA, 我答係/有, 我就反問佢問賣咩呀,工作時間呀...佢之後就問我,打算留係度幾耐, 我停左半秒, 就答:to be honest, i may stay for a month. 跟住我即刻feel到佢語氣變晒,話唔會請個留一個月既人, 因為佢仲要俾d唔知咩cost, 要成幾百蚊.
收左線之後,我再定一定神, 我係唔係太誠實,太傻呀?!?!?我眼白白放棄左一份可能較高人工既工??!! 當然過後都叫自己算罷, 唔好再諗喇, 目前就安份地係餐廳做,雖然唔係可以儲都好多錢, 不過叫做有工做!
係短短既個半月入面, 認識到不同既人, 黎澳洲有唔同既目的,價值觀各異!我呢?有時為左要儲多點錢,要返多d工搵多份工,就忘記左我黎係為錢,還是其他東西?!我遇到另一個hk男仔,之前係brisbane唐人餐廳工作左半年,另外又同女朋友擺擋賣野,亦好有策略地2個人分別係2間餐館做野,目的係唔洗'搶更'!!我聽完之後,覺得佢地黎只為錢嘛? (一年時間,工作都佔10個月?!)有d人會留係某地方工作2-3個月,有錢就會去玩,玩完又會去搵工;當然亦有d人,主要玩樂,錢不夠用,才死死地去搵工作,有錢,又去玩喇!
係某次教會(英文)崇拜,雖然我唔係100%聽得明,但係我get個既Message, 係現今人為好多唔同既東西成為slave(奴隸),為生活,為錢,為自己好想得到既東西等等...我又想想自己,目前係唔係不斷為錢,成為slave呢? 自問作為backpacker,,有d咩係要買,有d野係唔需要買,我都會好認真諗下,都唔會點亂洗錢(相反有d人鍾意玩,party, 就會好肯洗錢飲野,對於唔鍾意飲酒既我,就真係冇興趣洗錢係partying。)因為努力賺取既錢,係俾我有能力去遊覽不同既地方~
呢個旅程,除左係經歷體驗,仲有好多價值觀既決擇、取捨!
