呢日一早去KINGS CANYON, 之前係ALICE SPRING有ROOMATE話行上去都有D辛苦,所以我都有心裡準備,帶齊水,餅乾等等! 出發前BRON一再提醒我地要最少有1.5 公升水,先可以俾我地行上去!!天氣都算不錯,有點涷,雖然有陽光,不過可能仲好早….大家初初行,都會聽到大家流鼻水既聲音! 不過出發前見到個溫度預計,中午可能會去到 35度! (不過之後一直都有微風, 不算熱,感覺似秋天行山)
最辛苦都係開始既一段路, 有好多好斜既樓梯, 行到咁上下都有D喘氣, 不過同TASMANIA行個D山,我覺得無論行ULURU,定呢次既KINGS CANYON,都比較好玩,有多D野睇!! 途中BRON都會同我地上下地理堂,講下石頭, 樹木, 岩石既形成….
有次去到一棵平平無奇既細樹, 佢講左一大輪關係呢棵樹既生長情況,用途等等…跟住佢話, : 你地知道嘛,呢棵樹特別之處,係有piglet koala (細小品種樹熊)住係度, 我地就唔信,猛望樹上面有冇佢所講既細樹熊啦…..呀….見到喇…..原來樹上真係有一隻樹熊(用黎做手信個d超細樹熊公仔)!!!!! 真係俾佢笑死囉!!!!!!!!!
後來又遇到一棵樹,我已經唔記得佢正式既名喇, 只記得BRON 話, 佢係叫widow- maker~ 呢種樹當遇到環境惡劣或樹木本身壞死,佢會可以自己斷枝, 就好似識自己斷水斷腳去救自己…..不過都係咁, 如果有個男人咁岩路過既, 下唔覺意俾棵樹既斷樹枝壓住….咁到時就會多個widow….haha=.= (都唔知真定假既!!)
行左個多小時終於上到最高既地方, 見到個canyon ,真係有壯觀既感覺呢!! 個cliff 真係好深……. 雖然未行完個山, 我有種感覺, 我已經想再黎呢個地方!!!!
經過數小時既回程,返回alice spring, 亦向uluru – 一個令人讚嘆既地方講再見!!
密密行.....
![](https://s3.amazonaws.com/aphs.worldnomads.com/mishulee/28260/_4166780.jpg)
加油呀!!
![](https://s3.amazonaws.com/aphs.worldnomads.com/mishulee/28260/_4166772.jpg)
![](https://s3.amazonaws.com/aphs.worldnomads.com/mishulee/28260/_4166884.jpg)
WIDOW MAKER?!
![](https://s3.amazonaws.com/aphs.worldnomads.com/mishulee/28260/_4166830.jpg)
你小心D好喎, 跌落去就....=_=
![](https://s3.amazonaws.com/aphs.worldnomads.com/mishulee/28260/_4166904.jpg)
到左啦!!
![](https://s3.amazonaws.com/aphs.worldnomads.com/mishulee/28260/_4166918.jpg)
好玩既團友+ GUIDE BRON
![](https://s3.amazonaws.com/aphs.worldnomads.com/mishulee/28260/_4166923.jpg)
DAY 3 挑戰KINGS CANYON