經過我地係台灣背包客棧爬左好幾十次文之後,又多方打電話聯絡不同既農場工頭,最終就選定左一個遠到呀媽都唔認得既地方—MENINDEE, 一個要從SYDNEY搭12個小時火車, 每星期只有一班車去/返既一個地方!其實仲有其他都係好偏遠既農場,不過比較過採果既種類、交通、辛苦程度等等…我地就決定訂飛去MENINDEE!
到出發前一天,我地亦再一次打電話俾工頭KEN, CONFIRM佢我地第二日既到達時間,同提醒佢黎接我地, 點知一問之下,先知住既地方雖有廚房,但冇煮食既用具,冇煲冇’獲’ !!佢亦叫我地要準備D食物,因為個一個星期因為天氣好,日日都要開工, 所以工頭都冇車D PICKER出去市鎮(距離一個半小時車程)買糧食!另外,當地只有某一電話網絡商有訊號!
有見及此,我地就去左買一小煲(基本煮麵都OK),一張電話咭,仲有可以食幾天既糧食, 主要係麵包2條,公仔麵10包,米線一包,少量香腸,仲帶同我地食剩既芝士,朱古力醬,花生醬~~
出發當日搭早上6點20分火車,所以早一晚多得LANCY既接載到我同事屋企過一晚,當日4點多我地就出門!! 幸而搭車順利,不過個一程12個鐘既車,真係好耐, 我冇咪心機做其他野,只有發呆同訓覺;P 沿途都開始見到大草地,有牛,羊,似乎動物仲多過人咁!! 我仲講笑咁話, 如果擺我係呢度, 真係死左都冇人知!!
終於好不容易到達火車站,我地拎出我地新買既電話咭, 留入我地既電話入面, 點知試極都冇Signal!! 係個個站上面,仲有另外幾個人,原本佢地都係去呢個農場, 因為,我地認識左一個女仔搭車過黎既呀Lin, 我覺得佢好勇,因為咁遠自己一個去,有d冒險!! 另外仲有一越南人,好在佢以前係度做過,電話又有signal,佢就打電話call車接晒我地去住既地方!!
