今日係平安夜, 沒有刻意為自己安排好豐富既節目,只係下午出去行下...不過一行又行左3個鐘!(因為我又行路出去..放棄搭火車同巴士),沿住個條最繁忙既paramatta road一直出去,就可以去到一個叫做broadway既大型商場,係一個未到city而最近我住既地區既shopping centre. 其實我出去唔係為左買野,只係想係我離開呢間屋之前,行下附近既地方~~由於xmas 既關係,好多人都出去shopping,係澳洲過聖誕除左天氣同香港唔同之外,我覺得澳洲人或者係電視等媒體都好重視呢個節日,而聖誕老人真係一個xmas icon,某程度上佢地會相信或者期望有聖誕老人,佢地真係會準備好好多食物禮物,同家人一齊過聖誕!相反,係香港,可能對大家黎講,係可以放假出去玩去旅行輕鬆既日子,極其量會交換下禮物,但係聖誕老人呢個人物,就真係不太重要~~ 不過,我覺得就係因為澳洲人幾重視聖誕,所以近來所有廣告都係賣各式各樣既禮物,大減價等...多到我有d頂唔順,或許呢度聖誕刺激經濟比香港更厲害!不過我覺得有點過度物質喇!!
雖然話自己一個過平安夜,聖誕節, 我倒享受一個人係街上閒逛,跟隨自己既步伐,呢種感覺有點不安,有點冒險,但又讓我有空間!呢種感覺同我當年係加拿大homestay一樣,當時我同d同學住得好遠,有好多獨處既時間,當時會覺得好似發緊夢,因為自己能夠一個人獨立生活既機會好難得;今日呢種感覺又番黎啦!雖然一個人會覺得悶,但係我好感恩,我能夠有呢個機會外地去感受一個人既生活!!
自己煮下野食,睇下電視,就渡過左2010年既平安夜~~~
