接觸過不同國藉既人,對佢地多多少少都有D唔同既印象(或是Perception啦),不過今次重點,講番中國人! 又或者講得具體d,應該係黎大堡蘸既國內遊客!!
因為係餐廳工作,有7成以上既生意都係黎自團餐--即係旅行團餐,平時唔太多一晚有5-6檯,如果多起上黎有成廿幾張檯都係團餐!如果農曆新年就更誇張,同事話每晚可能要做到12點先可以收工!以前初初做,我會幾鍾意做團餐,因為唔洗用腦!咩意思?上團餐有幾個steps,客人一黎到,就上茶,之後上湯,之後就'食送'同白飯一齊上!之後就生果,基本上記住個次序,有野就盡快拎出去就得,而當客人走,我地就盡快清理好張檯. 相反- a la carte (晚餐)就要知道d菜單名,檯號呀,有時遇到日本客人,又要分食物(要用d技巧地係客人面前平均分配食物)-->我初時唔識分,所以好唔鍾意做呢!~但係愈做之下,我相反,唔鍾意做團餐,因為講真個句,我唔鍾意呢d中國人(雖然我都係中國人,不過當面對其他國藉既同事,如日本同事,我係有點羞愧架!中國人係咁架?!)呢d我見到既中國遊客,有d黎自廣東,有d黎自北方...不過佢地有8成以上都有以下既行為: 1- 無禮貌,對老闆,我地呢d佢地稱為'服務員'都經常極大聲地呼喝!不是狂問你要辣椒醬,就要加湯加飯!!你慢一刻,佢地把聲九條街都聽到!2- 不可一世,佢地有d可能係暴發戶,所以以為自己有幾個錢,就真係睇唔起人,佢地亦唔會話見到你係中國人,對你既態度會好一點,相反,因為你聽得明國語,佢地講既一d刻薄說話,你句句聽得到,真係聽到都想'中'佢!呢個亦可能係佢地對任何人都以呼喝既態度對待,因為佢地'以為'自己真係大晒!!!!!3- 佢地所到之處,都混亂到極!佢地食完野既檯,係極之烏'joe',外國或日本客人食完野張檯係好乾淨,不過最唔要得既係,呢d中國旅客會自己拎d野食/酒入餐廳食,佢地食完,仲會將呢d垃圾收埋係餐廳既鬼鼠位囉!例如椅子背既邊邊,大圓轉盤既底,又或係檯底!!其實我真係唔明佢地點解咁做囉!你光明正大咁放d垃圾係檯上面都得o者!!!!
係呢2個月既工作入面,我真係見到太多中國人醜陋既一面!有d日本同事都坦然地同我講,話唔鍾意中國人(我想講我都唔鍾意囉!!)不過佢地又會好明白香港既人唔係咁,係佢地眼中,香港人係比較聰明而都算有禮貌,所以佢地會叫我地hongkongese ,而唔係chinese.
以上真係我個人既經歷,亦唔係要去抹黑中國人,難怪呀韜成日話中國人有幾差有幾差,我以前仲同同佢反駁,不過依家我真係體會到有部份既中國人真係以為自己國家發展得快,社會地位又提高左,聲大,眼角高,脾氣更臭!!!
不過又正正係呢d中國人,令我'dig'起心肝,選擇去sydney而唔會返黎餐廳做野,因為我唔想再見到呢d團餐客喇!!
