首先,先講解一下餐廳入面既人物關係....
老闆K - 人不錯,會教我做野,有時會講爛GAG
老闆娘V - 極之鍾意鬧人,一鬧就幾分鐘至幾十分鐘,有時用詞好刻薄!!><
老闆細佬S - 好人, 肯教人,知道我地做野已經努力,但又不斷被人鬧, 熟左經常講爛GAG, 成日叫我地去飲酒
老闆妹妹C - 成日黑面,見到有野做錯左, 即刻大聲鬧左先,(但往往唔係我/或被罵者做既)- 正一聲大無準!
呢個星期原本只需要返5更, 每更3小時, 晚上忙都有機會OT.而早上茶市要推車賣點心, 星期六日比較多人, 所以全世界都要返工!但因為同房RONNIE辭工喇,所以我多左3更,頭個幾天我覺得尚可, 因為老闆娘冇咩點鬧我,就算有鬧,我都覺得可接受,因為我真係有做得唔太好既地方。不過妹妹C就... 星期六早上,我第一次返茶市,咁我之前都有記下D點心既英文名, 呢PART我都OK, 不過要記埋大中小點, 就有D難度, 再加上呢度賣點心騎呢之處,就係推車賣點心係有次序, 如果一見張檯D客岩岩到, 就要推包車出去SELL, 如果見到另一檯食完包, 就要將全部車上既包放回架上,再換上煎炸既...如果見人地食完呢D, 又要推架蒸車出去..... 聽落好似好易, 不過如果在場有好多不同時段入黎既客人,又要不斷目及實佢地食野既進度, 同時亦要好HARD SELL咁每一檯行去問人要唔要!!我想講, 好鬼煩囉!!星期六妹妹C就我叫試下推甜品車,咁我話唔識, 佢都話同我一齊去,咁我預佢會做比我睇先, 我之後就學下賣啦, 點知,佢居然一行到張檯度, 就叫我賣喇!好啦, 咁我唯有硬住頭皮咁介紹啦:mango pudding,coconut sago, almond jelly, rainbow jelly...咁當客人想要PUDDING 同JELLY時, 我就準備放上檯,佢又話我唔用底碟同要俾埋SPOON..頂!我又會知要用底碟啦!!你冇教過我點做, 就叫我出去做, 仲要EXPECT我會識晒所有野啦!!!
之後都有好多時,C 會發現有D野某個人做錯左, 都會大聲地叫你個名:MICHELLE, 係唔係你XXXXXXXX?跟住我有幾次都唔係我, 我都有D無辜地反駁:我有做XXXX/ 我冇XXXXX喎!!
睇到呢度,你會覺得我好似好忟咁...其實講真,個刻係有D嬲, 不過過後我都算,冇再放係心上~ 不過琴晚我就真係有D嬲!話說我依家住係SHAREHOUSE,有個男仔都係呢間野入面做廚房,佢有D好NICE,好好人, 不過燥起上黎成日黑面!咁係出菜既時候,有好多野我都唔肯定,e.g.要2 spoons/1fork +1spoon, 洗唔洗幫客人分菜(日本客要),d菜係坶幾號檯等等等等..咁唔問清楚廚房入面d人,一出到去錯左又實鬧,咁我琴晚只係問呢個同事要拎fork 定spoon, 佢就十級燥咁答我:呢d野你唔好問我!問出面啦!! 我當時真係好嬲, 仲立刻狠狠地beh左佢一下!!!!我知你被人鬧, 咁唔洗成日對住其他人黑面, 甚至鬧埋我地囉!!我都有被人鬧,我都好想鬧人啦!點解我要受你--呢個唔係出糧俾我既人既氣呀!!
最頂佢唔順既係,夜晚我係房同呀韜skype緊既時候,呢個同事黎拍門,仲用電筒打算照自己黎嚇我, 我一開門, 見係佢, 一d表情都冇我就關門!!你有mood時就同我玩,你發脾氣就我(地)受!唔該晒!!!
anyway..完成左第一星期工作,終於出糧喇!!
點心list,d英文名都要d時間去記!!
為左可以再save多d錢,我會係sharehouse住多10日, 到11NOV,我都會搬番去globetrotters international,之前去住知道如果係hostel做野(每日1.5h/ 一星期4日,每次3.5h),都有free accommodation..岩岩我打去問, 佢話暫時夠人,不過都可能有人走, 叫我先住幾日,登記左個名, 一有空缺我都可以做, 咁我估初初住幾日我都要俾錢架喇,咁之後希望快D可以係HOSTEL做PART-TIME,咁我係餐廳賺既錢先儲到FOR 之後去玩囉!!
