呀韜離開CAIRNS後的星期日,我見冇野做, 就諗起係我住既BACKPACKER附近有一間教會,星期日下午有中文崇拜,不 如去睇下啦,目的只係單純地想去識多D中國人...
不過去到門口,我又有D想縮沙 >< ...當我已經行過左個門口時,我心想:如果連行入去教會咁小既事我都冇勇氣去做, 我點可以一個人去面對呢幾個月既旅程呀?!所以我就回頭行入去剛剛開始崇拜既教會。
後來有一個女仔剛到, 就跟我坐在最後排。呢間教會人真係唔多,崇拜內容多數以播碟形成進行,牧師一邊講道, 旁邊有人譯番做國語。這次既內容好深, 不過我都盡量唔好訓著 ^^
完左之後,同呢個女仔傾計,佢叫RONNIE, 先知原來佢都係香港黎WORKING HOLIDAY,岩岩到CAIRNS, 又係第一次返呢間教會...其實咁樣我已經覺得好巧合架喇, 俾我可以識到同我情況相似既人! 再傾之下,又發現佢剛開始返了2天工,就是那間中國餐廳呢! 講講下,居然發現佢都係係香港教書的, 係中學老師,不過就教數學!!!! 我就問佢,係唔係辭工黎澳洲,誰知佢又係問校長攞左一年假期,停薪留職!! OH NO!洗唔洗同我似得咁緊要呢??!!
或多或少我都覺得能夠識到RONNIE, 都係神既安排。
