當呀韜離開的一天,我就獨自回到BACKPACKER, 幸好當時仲有同房Evi既陪伴,佢來自SWITZERLAND,之前去左BRISBANE讀英文,同佢相處左一星期,仲一齊煮野食, 去KURANDA... 感謝佢為我帶黎歡樂,令我係可以適應到一個人要開始我的旅程!~
不過找了工作幾天後, 沒有回音,也沒有什麼事可做, 寂寞的感覺就開始了... 掛念家人,呀爸又將要在10初做手術;在找工作的過程裡,發現自己有好多不足,也沒有什麼過人之處,以致人家要請你, 感覺是沮喪的。在香港,我會覺得總有工作可以做,不打這家, 還有另一家。係CAIRNS, 有好多日本、韓國人,有好多日本韓國商店食店,不過佢地只會請番日本/韓國人。中國餐廳係有既, 不多,佢地跟日本人相反, 不過關照華人, 反倒會打壓我地, 把人工壓到很低...我早前都見到有家餐廳請人, 可是我沒有去交RESUME, 因為我想試試找其他非華人老闆的工作先....
初期的兩星期,感覺很差,情緒也不太穩定,想著想著眼淚就流下來,究竟我黎澳洲為咩呢? 找不到工作我又可以點呢? 我可以支持下去嘛? 看我好像好堅強既外表,我都以為自己唔會HOMESICK,不過當我真正要去面對一個陌生既環境,獨自去生活,總有感到好軟弱的時候。希望呢種感覺只係過渡期,我亦要不斷學習調整好心態,盡力但又不需要過於有壓力地去做每件事,也要學識享受呢度既生活!
我相信我可以做到的。
回香港後,我覺得好想裝備好自己,學習多D野,為興趣也好,為成功感也好...
