有時真係覺得世事總令人有選擇,就有煩惱!! 上星期六我正想打算搵到合適既時機同老細細佬講,我做多2星期都會走,點知我未開口講,俾佢講先,佢話我依家識得賣點心,所以加我人工! (我心裡真係一沉架,你遲唔加,早唔加...><)之後我就冇再出聲...我返去有認真諗過,我知道佢地1,2月會好鬼忙,因為放新年同農曆新年假,會有好多遊客,所以會非常等人用,所以如果我去完SYD返去,做到2月中,咁我都應該會儲到D錢;而我如果去到SYD,去搵工,好多人都同我講個邊人工好平,好多留學生都會搵工,我未必咁易有工做...當然我亦知道如果再返CAIRNS,我就冇咁多時間去唔同既地方...留係度我只係想搵多D錢,遲D可以同呀韜去玩既時候都唔會話冇錢洗,我又唔係話真係黎WORKING HOLIDAY想賺錢拎番HK;當然我係想經歷多D唔同既工作、環境、認識多D唔同既人....魚與熊掌?!?!
咁我應該點呢?佢地已經問左我會唔會返,我都基本上係應承左,不過我又有D想縮沙喎...唉,但我又唔想應承左反口....咁我應該點好呢?
