Existing Member?

Get Jealous

Sun, Fun and Nothing to Do...

THAILAND | Thursday, 20 December 2007 | Views [1622]

Nach guet 66 Tag underwegs han i denn doch endli mal e Beach no vo nächem gseh. Wobi go plantsche bin i eigentlich überhaupt nie. Ar Tonsai/Railey Beach isch vor allem chlettere agseit gsi - vo de Felse isch d Ussicht au viel besser als usem Wasser. S isch zwar ganz schön warm, aber ich cha ja nid raabeschwarz heicho, also isch de ganz Tag a de Beach brutzle nid dine. D Andrea isch denn am letschte Mittwuch usem Schwiizer Winter acho. Nebed ässe natürli, hämer d Täg mit paddle oder hike verbracht.

Am Sunntig simmer mit öppe 500 anderne Winterflüchtling ufeme eng bepackte Boot nach Phi Phi übergsidlet. S Programm isch ähnlich blibe: mit em Kayak bi Wind und Welle um Phi Phi Don umepaddle, i de Hügle und Steine vo de Insle umechraxle oder wieder mit em Kayak nach und um Phi Phi Ley. Inklusive eme Stop i de Maya Bay (wo de Film The Beach dräht worde isch). Bim Schnorchle hämmer tatsächlich e ganzi Bandi Blacktip Reef Sharks chöne agügsle. Eigentlich es Wunder bi dem Zirkus i dere Bucht.

Morn gaht's denn wiiter nach Bangkok und Cambodia, i de Hoffnig, dass i mi wiiterhin erfolgriich vor de Christchindli chan verstecke. Wünsch a dere Stell allne schöne Festtag und es paar relaxti Täg.

Kayak dream team.

Kayak dream team.

Tags: Beaches & Sunshine

 

Add your comments

(If you have a travel question, get your Answers here)

In order to avoid spam on these blogs, please enter the code you see in the image. Comments identified as spam will be deleted.


 

 

Travel Answers about Thailand

Do you have a travel question? Ask other World Nomads.