Hallo Zämä
No e letschte Itrag, bevor i wieder zrugg in der Schwitz bi.
Die Zyt in Brisbane isch für mi e echti Feriezyt xi. Die Stadt isch der Hammer! Riesig gross und vergliche mit Sydney hets eifach mehr Platz, vill grüen und irgendwie nid so gstressti Lüt.
Brisbane ligt zwar nid am Meer, me cha aber Tagesusflüg ans Meer oder ufene Insle mache.
Zmitts dur d Stadt fliesst e Fluss. Do chame mit der Ferrys schnäll und günschtig vo eim Stadtteil zum andere oder uf die anderi Site.
Es het e künstliche Strand mit Sand, vill Bäum, und mit verschiede tiefe ‚Badbeckis‘. Es Adventure-Zentrum bietet Kayak ufem Fluss, Velo- und Inlineskatevermietig, Abseile und Klettere a. Die wunderbare Felse ca. 20m höch hei mi natürlich greitzt und i bi go Abseile und Klettere. Für s Abseile hätte d Felse schochli höcher chönne si, aber für s Klättere hets forig glängt, hihihi. Es isch wunderbar xi!
Freu mi wieder hei z cho. Bis bald….
